fimmtudagur, 21. nóvember 2019
 
TölublöðVenjuleg útgáfa

Úrvalssýning kynbótahrossa

8. júní 2016 kl. 11:54

Meirihluti 4 vetra hrossa með úrvalseinkunn fyrir tölt voru AA arfgerð sem bendir til þess að þau séu fljótari til á tölti en C- hross. Konsert frá Hofi hlaut 10 fyrir tölt fjögurra vetra gamall.

Kynbótahross á Landsmóti 2016.

Hvað varðar kynbótahross á Landsmóti 2016 að Hólum í Hjaltadal eru nokkur atriði sem þarf að koma á framfæri. Ákveðinn fjöldi efstu hrossa vinnur sér þátttökurétt á mótinu og miðað er við að hafa 165 kynbótahross á mótinu. Fjöldann í hverjum flokki má sjá í töflu hér að neðan.

 

Flokkur Fjöldi

7v. og eldri hryssur: 15

6v. hryssur: 30

5v. hryssur: 35

4v. hryssur:  20

4v. hestar:  15

5v. Hestar: 20

6v. Hestar:  20

7v. og eldri hestar: 10

Samtals:  165

 

Til að auðvelda bestu klárhrossum landsins að komast inn á mótið er 10 stigum bætt við aðaleinkunn klárhrossa í sætisröðun hrossa inn á mótið. Á heimasíðunni www. worldfengur.com má finna lista yfir þau kynbótahross sem búin eru að vinna sér þátttökurétt á Landsmót hverju sinni. Endanlegur listi lítur ekki dagsins ljós fyrr en eftir 10. júní þegar vordómum lýkur. Ekki þarf að skrá sig inn í WorldFeng til að sjá þennan lista heldur má opna hann með því að smella á „Sýningarskrá fyrir Landsmót 2016“.

Ef fleiri en eitt hross eru jöfn í síðasta sæti inn á mótið (til dæmis fleiri en ein hryssa í 15. sæti í flokki 7 vetra og eldri hryssna) þá er þeim öllum heimil þátttaka á mótinu. Eins eru eigendur hrossa sem vinna sér þátttökurétt á mótinu en ætla sér ekki að mæta með þau af einhverjum ástæðum beðnir um að láta vita í síðasta lagi fyrir 12. júní, þannig að hægt sé að bjóða hrossum sem eru neðar á listanum þátttöku á mótinu. Hægt er að láta vita í síma 892-9690 eða á netfanginu thk@rml.is.

 

Úrvalssýning kynbótahrossa

Á laugardeginum á Landsmóti verður úrvalssýning kynbótahrossa þar sem hugmyndin er að virða fyrir sér bestu hross landsins fyrir ákveðna eiginleika og kynna fjölhæfni og fegurð hestsins. Á þessa sýningu mega koma hross með 9.5 – 10 fyrir tölt, brokk, stökk, skeið og fegurð í reið. Þessi sýning er opin þeim hrossum sem búa yfir þessum einkunnum og voru sýnd í vor, óháð því hvort þau vinna sér þátttökurétt á Landsmóti sem einstaklingar eða ekki. Nánari upplýsingar um þetta sýningaratriði verða birtar innan tíðar.