laugardagur, 23. nóvember 2019
 
TölublöðVenjuleg útgáfa

Ungfolasýning á laugardag

20. apríl 2015 kl. 10:30

Unghross í gerði.

Rétt til þátttöku eiga folar fæddir árið 2012 og 2013.

Árleg ungfolasýning Hrossaræktarsamtaka Suðurlands verður laugardaginn 25. apríl í Ölfushöllinni á Ingólfshvoli í tengslum við Ræktun 2015.

Fyrirkomulag ungfolasýningarinnar verður með svipuðu sniði og áður. Rétt til þátttöku eiga folar fæddir árið 2012 og 2013. Starfandi kynbótadómarar munu taka út folana bæði fyrir sköpulag og hreyfingu og raða efstu fimm folunum  í hvorum flokki og áhorfendur velja síðan álitlegasta folann  í hvorum flokki. Sýningin hefst með sköpulagsmati kl. 11:30.

Hestarnir verða annaðhvort að vera járnalausir eða járnaðir kynbótajárningu. Ekki er heimilt að mæta með fola járnaða eingöngu á framfótum eða með kynbótahlífar.

Skráningargjald er 3.500 kr. fyrir félagsmenn en 4.000 kr. fyrir aðra. Skráningargjald greiðist á sýningarstað með reiðufé. Tekið er við skráningu á sýninguna á netfangið stangarlaekur@gmail.com.

Síðasti skráningardagur er þriðjudagurinn 21. apríl. Félagsmenn og aðrir áhugamenn um hrossarækt eru hvattir til að mæta á þennan árlega viðburð og berja ungar ræktunarstjörnur framtíðar augum.