föstudagur, 18. október 2019
 
TölublöðVenjuleg útgáfa

Umsóknarfrestur til 1. desember

5. nóvember 2012 kl. 12:17

Hrauna frá Húsavík og Svaki frá Miðsitju fjölga íslenska hestakyninu.

Fagráð í hrossarækt auglýsir eftir umsóknum um lán eða styrki úr Stofnverndarsjóði íslenska hestakynsins

Frá Bændasamtökum Íslands:
                       
Umsóknir um lán eða styrki úr Stofnverndarsjóði íslenska hestakynsins

Fagráð í hrossarækt starfar samkvæmt 15 gr. búnaðarlaga nr. 70/1998. Fagráð fer, meðal annarra verkefna, með stjórn Stofnverndarsjóðs sem starfræktur er samkvæmt ákvæðum í sömu lögum og reglugerð nr. 470/1999 um sama efni.

Verkefni sjóðsins eru:
Að veita fé til þróunarverkefna í hrossarækt sem nýtast til styrktar íslenska hrossastofninum.
Að veita lán og styrki til kaupa á sérstökum úrvalskynbótagripum ef sannað þykir að þeir verði fluttir úr landi að öðrum kosti. Hér væri um að ræða gripi sem gætu haft úrslitaáhrif á erfðabreytileika í stofninum s.s. litafjölbreytni, eða byggju yfir einstæðu kynbótagildi í þeim eiginleikum sem prýða íslenskan hest.

Fagráð tekur ákvörðun um styrkveitingar í desember 2012. Nánari upplýsingar fást hjá Bændasamtökunum.
Frestur til að skila inn umsóknum er til 1. desember 2012 og skal umsóknum skilað til Fagráðs í hrossarækt, Bændahöllinni v/Hagatorg, 107 Reykjavík.

Reykjavík 1. nóvember 2012
Fagráð í hrossarækt