miðvikudagur, 23. október 2019
 
TölublöðVenjuleg útgáfa

Tommamótið í Víðidal um helgina

4. september 2012 kl. 10:29

Tómas Ragnarsson teygir Börk frá Kvíabekk á vekurð. Mynd/Eiríkur Jónsson

Mótið er haldið til minningar um Tómas heitinn Ragnarsson, sem um árabil var í hópi snjöllustu reiðmanna landsins.

Tommamótið verður haldið á Hvammsvelli í Víðidal 7. og 8. september nk.
 
Tommamótið verður nú haldið í annað sinn til minningar um hestamanninn Tómas heitinn Ragnarsson, sem lést langt um aldur fram þann 16. júlí 2010. Vinir og velunnarar Tómasar hafa ákveðið að stofna minningarsjóð í nafni og anda Tómasar og verður skipuð stjórn sem úthlutar úr sjóðnum til þarfra verka tengdum hestum og hestamönnum einu sinni til tvisvar á ári. Tómas var einmitt þekktur fyrir hjálpsemi sína gagnvart öðrum og var alltaf hægt að leita til hans.
 
Að þessu sinni verður skráningargjald kr. 2000 pr. grein sem rennur óskipt í minningarsjóð Tómasar Ragnarssonar, en allir sem koma að mótinu munu gefa vinnu sína.
 
 
Um er að ræða opið íþróttamót og verður keppt í eftirfarandi greinum:
100 m skeið
150 m skeið
250 m skeið
Tölt T3 opinn flokkur
Tölt T4
Tölt T7 byrjendaflokkur (ekki hraðabreytingar)
Fimmgangur F2 opinn flokkur
Bjórreið
 
Samanlagður sigurvegari á sama hesti í fimmgangi, tölti og einni skeiðgrein.
Sex keppendur verða í hverjum úrslitum.
 
Dagskrá verður birt að lokinni skráningu en gera má ráð fyrir forkeppni á föstudegi og úrslitum á laugardegi.
 
Skráning fer fram í Hestamiðstöðinni Víðidal á miðvikudag (5. sept) frá kl. 17 – 21 og í síma 867-0177 & 867-0157 & 772-0202
Við skráningu þarf að gefa upp IS nr hests, kennitölu og síma knapa. Skráningargjald greiðist við skráningu.