laugardagur, 20. júlí 2019
 
TölublöðVenjuleg útgáfa

Töltmót

10. apríl 2014 kl. 08:59

Hestamannafélögin Smári, Logi og Trausti

Sameiginlegt með hestamannafélögunum Smára, Loga og Trausta

Sameiginlegt töltmót hestamannafélaganna í Uppsveitunum Smára Loga og Trausta verður haldið í Reiðhöllinni á Flúðum miðvikudagskvöldið 16.apríl og hefst mótið klukkan 17:30.
  
Keppt verður í eftirfarandi flokkum:
barnaflokk – (T7): sýnt hægt tölt og fegurðartölt, 2 inná í einu undir leiðsögn þuls. 
unglingaflokk (T1): einn inná í einu og riðið hefðbundið tölt prógram  
ungmennaflokk (T1)  
Í fullorðinsflokki verður keppt í tveimur flokkum; 
minna keppnisvanir  (T3): tveir inná í einu undir leiðsögn þuls, hefðbundið tölt prógram.
meira keppnisvanir (T1) 

Vegleg veðrlaun í boði fyrir efstu sæti í hverjum flokk, meðal annars margir spennandi folatollar fyrir sumarið 2014. Verðlaun verða nánar auglýst þegar nær dregur

Skráningargjöld eru 2500 fullorðinn/ungmenni fyrir fyrsta hest, 1500 fyrir næstu skráningar. 1500 kr fyrir börn og unglinga. 

Skráning fer fram í gegnum sportfeng. Skráning opnar í dag, fimtudaginn 10. Apríl og stendur fram að miðnætti mánudaginn 15. Apríl.