laugardagur, 21. september 2019
 
TölublöðVenjuleg útgáfa

Töltmót í Fákaseli

5. mars 2015 kl. 14:12

Folatollur undir stóðhestinn Gaum frá Auðsholtshjáleigu í verðlaun.

Opnað hefur verið fyrir skráningu á Töltmót Meistaramóts Fákasels og Ljúfs og stendur hún yfir til hádegis á laugardag (7. mars). Glæsilegir vinningar eru í boði, verðlaun eru gefin af Jötunn Vélum og þar að auki er folatollur undir töltsnillinginn Gaum frá Auðsholtshjáleigu, reiðtími hjá Huldu Gústafsdóttur ásamt glæsilegum málverkum fyrir samanlagða sigurvegara.

Meistaramót Fákasels og Ljúfs verður haldið í Fákaseli næstkomandi sunnudag, 8. mars  kl. 14.00.  Keppt verður í tveimur flokkum, opnum flokki og yngri flokki (barna- og unglingaflokkur / 16 ára og yngri).

Tveir eru inná vellinum í einu og þrír dómarar dæma. Töltmótið er styrkt af Jötunn-Vélum Selfossi sem gefa verðlaunin.

Sigurlína Kristinsdóttur og Astey Art  gefa glæsileg málverk sem verða gefin í lok mótaraðarinnar og verða til sýnis í Fákaseli meðan mótin standa yfir.

Sigurvegari í opna flokknum hlýtur auk glæsilegs bikars folatoll undir stóðhestinn Gaum frá Auðsholtshjáleigu, sem er m.a. með 9,5 fyrir tölt og er að raða inn afkvæmum sem eru að standa sig frábærlega á mótum um alla Evrópu. Sigurvegari í yngri flokknum hlýtur reiðtíma hjá Huldu Gústafsdóttir og þar með heimboð í glæsilega nýja aðstöðu í Árbakka.

Mótið hefst kl. 14.00 og úrslit hefjast kl. 17.00

Skráningagjald er 4.000 krónur í opinn flokk og 2.500 krónur í yngri flokk (16 ára og yngri)

Keppt er í fimm keppnisgreinum; fjórgangi, fimmgangi, tölti, T2 og skeiði.  Mótin verða fjögur talsins á tveggja vikna millibili (8. febrúar, 22. febrúar, 8. mars og 22. mars)

Skráning fer fram inná Sportfeng og þurfa greiðslur vegna skráningar að berast fyrir hádegi (kl. 12) á laugardaginn 8. mars eigi skráning að vera gild.  Mikilvægt að senda kvittun á elka@simnet.is þegar greitt er.

Eins og áður segir hefst mótið kl. 14.00 á sunnudeginum og því kjörið fyrir fjölskylduna að koma saman og eiga góðan dag í Fákaseli.

Mótið er jafnframt vetrarmót Ljúfs og verða efstu félagsmenn Ljúfs verðlaunaðir sérstaklega á hverju móti í Opnum flokki og Yngri flokki, auk þess verða samanlagðir sigurvegar Ljúfs verðlaunaðir í lok mótaraðarinnar í Barna, unglinga, ungmenna- og Opnum flokki eins og venja er.

Skráning er hafin inná Sportfeng (smella hér)

Komi upp vandræði vegna skráningar er hægt að senda tölvupóst á elka@simnet.is eða hringja í síma 863-8813.

Þetta kemur fram í tilkynningu frá hestamannafélaginu Ljúfi.