miðvikudagur, 18. september 2019
 
TölublöðVenjuleg útgáfa

Tekið til kostanna-26.-27 apríl

18. apríl 2013 kl. 14:59

Tekið til kostanna-26.-27 apríl

Tekið til kostanna - hestadagar í Skagafirði, fara fram í Skagafirði dagana 26.-27. apríl nk.

 Meðal þess sem boðið verður upp á er stórsýning í Reiðhöllinni Svaðastöðum á Sauðárkróki laugardagskvöldið 27. apríl þar sem margir af bestu hestum og knöpum landsins fara á kostum, ræktunarbú sýna gullmola sína, stóðhestar og afkvæmi koma fram, glæsihryssur verða kynntar til leiks og fjölbreytt atriði önnur verða sýnd. Veitt verða peningaverðlaun fyrir fljótasta skeiðhestinn, glæsilegasta hest sýningarinnar og besta atriðið. Að lokinni sýningu verður dansleikur á Mælifelli þar sem Hreimur og Rúnar Eff spila ásamt hljómsveit.
 
Fyrr um daginn fer fram kennslusýning reiðkennaraefna Hólaskóla í reiðhöllinni og opið hús verður í Hrímnishöllinni hjá Hrossaræktarbúinu Varmalæk bæði föstudag og laugardag. Í Hrímnishöllinni verður m.a. nokkur fjöldi hrossa til sölu og má þar finna hross allt frá veturgömlu til 1. verðlauna hrossa.
 
Forsala aðgöngumiða er á N1 á Sauðárkróki og er miðaverð aðeins kr. 2500,-
 
Nánari upplýsingar er að finna á www.horse.is og hjá Ingimar í síma 891-9560 eða Steinunni Önnu í síma 455-7107,“ segir í tilkynningu frá aðstandendum