föstudagur, 23. ágúst 2019
 
TölublöðVenjuleg útgáfa

Sýnikennsla með Ingimari

28. nóvember 2012 kl. 13:48

Sýnikennsla með Ingimari

Allir hestamenn þekkja Ingimar Sveinson frá Hvanneyri, sem meðal annars er höfundur bókarinnar Hrossafræði. Um langt skeið hefur hann haldið helgarnámskeið þar sem hann bæði segir frá og sýnir hvernig hann nálgast ósnerta hesta. Hann hefur kallað þessa nálgun „Af frjálsum vilja“. Aðferðin hefur vakið mikla athygli og nú gefst áhugasömum hestamönnum tækifæri til að sjá og heyra Ingimar beita þessari aðferð.

 
Fimmtudaginn 29. nóvember mun hann vera með sýnikennslu í Harðarbóli, félagsheimili Harðar í Mosfellsbæ og sýna það sem hann yfirleitt gerir á heilu helgarnámskeiði. Hann mun halda stuttan fyrirlestur um aðferðir sínar og tekur algjörlega ósnerta fola og sýnir áhorfendum hvernig hann nálgast unghross samkvæmt sínum aðferðum. Þetta verður sannkölluð veisla fyrir okkur hestamenn, veisla sem mun hefjast kl. 18:00 og standa langt fram á kvöld. 
Veitingar verða til sölu, samlokur, heitir og kaldir drykkir.
 Hestamenn! Sjáumst í Herði á fimmtudagskvöld.
 
Sýnikennslan hefst í Harðarbóli stundvíslega kl. 18:00. 
Aðgangseyrir er 1.500 krónur
 
Þetta kemur fram í tilkynningu frá fræðslunefndum hestamannafélaga höfuðborgarsvæðisins.