miðvikudagur, 26. júní 2019
 
TölublöðVenjuleg útgáfa

Styrkja þarf ímynd íslenska hestsins

1. apríl 2015 kl. 13:15

Sveinn Steinarsson, formaður Fhb, á opnunarhátíð Landsmóts 2014.

Boðað er til kynningarfundar á stefnumörkun í markaðssamskiptum íslenska hestsins.

Íslandsstofa og Félag hrossabænda boða til kynningarfundar á stefnumörkun í markaðssamskiptum íslenska hestsins.

"Umræða um sameiginlegt markaðsstarf fyrir íslenska hestinn hefur vaxið í greininni á undanförnum árum.  Nú er komið að því að hagsmunaaðilar taki höndum saman um að marka stefnu og gera aðgerðaáætlun sem hefur það að markmiði að styrkja ímynd íslenska hestsins á erlendri grundu með samhæfðum skilaboðum, markaðsaðgerðum og kynningarstarfi," segir í sameiginlegri tilkynningu frá félögunum.

Hagsmunaaðila í greininni eru hvattir til að mæta á fundinn; samtökum í ræktun, útflutningi og þjónustu og vörum sem tengist íslenska hestinum, til að taka þátt í þessu sameiginlega markaðsstarfi. Verkefnið, markmið þess og framkvæmd verða kynnt á fundi þriðjudaginn 14. apríl kl. 16.00 í sal Menntaskóla Borgarfjarðar. Boðið verður upp á léttar veitingar og að sjálfsögðu skemmtilegar umræður.

Áhugasamir vinsamlega skráið ykkur á fundinn með því að senda á islandsstofa@islandsstofa.is merkt “Markaðssetning íslenska hestsins."