föstudagur, 19. júlí 2019
 
TölublöðVenjuleg útgáfa

Spennandi tækifæri fyrir lærdómsfúsa

17. mars 2011 kl. 14:28

Spennandi tækifæri fyrir lærdómsfúsa

Boðið verður upp á námskeið með Ísólfi Líndal Þórissyni reiðkennara helgina 9.-10. apríl á nýja Gustsvæðinu í reiðhöllinni að Hamraenda 16-18.

Hver þátttakandi fær einkatíma hjá Ísólfi á laugardag en á sunnudag verður tveimur kennt í einu. Innifalið er líka aðgangur að hinni nýju reiðhöll í 2 tíma sem þáttakendur geta nýtt sér í þjálfun eftir að námskeiðinu lýkur.

Nú þegar hefur verið opnað fyrir skráningu á gustarar.is en ganga verður frá greiðslu til að skráning sé tekin gild. Verð á námskeiðið er 20.000 kr. sem hugsað er fyrir 10-12 þáttakendur.

Ísólfur Líndal Þórisson hefur haft tamningar og þjálfun að atvinnu frá 15 ára aldri. Hann hlaut Morgunblaðsskeifuna á Hvanneyri árið 1998 og hann er reiðkennari frá Hólaskóla 2005 þar sem hann hlaut LH-hestinn fyrir hæstu meðaleinkunn í reiðkennslu.

Ísólfur kenndi við Háskólann á Hólum frá 2007-2010 en hefur nú flutt aftur heim á Lækjamót til að sinna þjálfun, tamningum og reiðkennslu. Ísólfur hefur átt velgengni að fagna á keppnis- og kynbótabrautinni og heldur reglulega reiðnámskeið víða í Evrópu og í Bandaríkjunum.