sunnudagur, 18. ágúst 2019
 
TölublöðVenjuleg útgáfa

Spennandi hestar á ráslista

8. febrúar 2012 kl. 13:26

Spennandi hestar á ráslista

Á morgun verður háð keppni hinni krefjandi grein gæðingafimi í Meistaradeildinni. Mótið hefst kl. 19.30 í Ölfushöllinni en sent verður beint frá mótinu hér á síðunni. 

 
Gæðingafimin er mikil áskorun fyrir keppendur. Þar eru allir þættir dæmdir sérstaklega og síðan heildarútlit sýningarinnar. Það sem dómararnir horfa meðal annars á er hversu margar og erfiðar æfingar parið gerir og hvernig þær eru framkvæmdar, hvernig æfingarnar blandast við gangtegundir, flæði sýningarinnar, fjölhæfni og styrkleiki gangtegunda. Knapar þurfa að sýna að lágmarki þrjár gangtegundir og fimm fimiæfingar og er einungis ein skylduæfing, en hún er opinn sniðgangur á tölti. Lengd sýningar má vera að hámarki þrjár og hálf mínúta. Sú breyting hefur orðið á frá því í fyrra að einungis 5 knapar ríða úrslit en ekki 10 eins og hefur verið undanfarin ár.
 
Keppendur hafa nú tilkynnt hvaða hesta þeir munu tefla fram á morgun og má þar sjá nokkra af þeim gæðingum sem vöktu athygli síðasta fimmtudag, þó nokkrir þeirra hafi skipt um knapa. Þannig mun Hinrik Bragason sýna Hæng frá Hæl sem Teitur Árnason sýndi í fjórgangskeppnina. Sigurður Vignir Matthíasson mun láta reyna á fimi hinnar bleikblesóttu Sóllilju frá Álfhólum sem Sara Ástþórsdóttir sýndi með prýði sl. fimmtudag. Sjálf mun Sara hins vegar mæta með töltstjörnuna Dívu frá Álfhólum. Sigurvegari fjórgangskeppninnar, Artemisia Bertus, mun mæta með stóðhestinn Korg frá Ingólfshvoli.
 
Hér að neðan má sjá ráslista kvöldsins:
 
Nr    Knapar    Lið    Hestur
1    Teitur Árnason    Árbakki / Norður-Götur    Glaumur frá Vindási
2    Sigurður Sigurðarson    Lýsi    Dreyri frá Hjaltastöðum
3    Artemisia Bertus    Hrímnir    Korgur frá Ingólfshvoli
4    Eyjólfur Þorsteinsson    Lýsi    Klerkur frá Bjarnanesi
5    Eyvindur Mandal Hreggviðsson    Auðsholtshjáleiga    Hersveinn frá Lækjarbotnum
6    Sara Ástþórsdóttir    Ganghestar / Málning    Díva frá Álfhólum
7    Þórdís Erla Gunnarsdóttir    Auðsholtshjáleiga    Þóra-Dís frá Auðsholtshjáleigu
8    Viðar Ingólfsson    Hrímnir    Segull frá Mið-Fossum
9    Sigurður Vignir Matthíasson    Ganghestar / Málning    Sóllilja frá Álfhólum
10    John Kristinn Sigurjónsson    Hrímnir    Þrumufleygur frá Álfhólum
11    Ólafur Ásgeirsson    Spónn.is    Hugleikur frá Galtanesi
12    Hulda Gústafsdóttir    Árbakki / Norður-Götur    Sveigur frá Varmadal
13    Guðmundur Björgvinsson    Top Reiter / Ármót    Hrímnir frá Ósi
14    Lena Zielinski    Auðsholtshjáleiga    Njála frá Velli II
15    Sigurbjörn Bárðarson    Lýsi    Jarl frá Mið-Fossum
16    Jakob Svavar Sigurðsson    Top Reiter / Ármót    Árborg frá Miðey
17    Sylvía Sigurbjörnsdóttir    Ganghestar / Málning    Þórir frá Hólum
18    Þorvaldur Árni Þorvaldsson    Top Reiter / Ármót    Segull frá Flugumýri II
19    Hinrik Bragason    Árbakki / Norður-Götur    Hængur frá Hæl
20    Ævar Örn Guðjónsson    Spónn.is    Bergþór frá Feti
21    Sigursteinn Sumarliðason    Spónn.is    Geisli frá Svanavatni