fimmtudagur, 18. júlí 2019
 
TölublöðVenjuleg útgáfa

Skráningu á gæðingamót og úrtöku Spretts

odinn@eidfaxi.is
27. maí 2014 kl. 16:21

Mæðgur í firmakeppni Spretts, Guðný Dís, Elva Rún, Erla Guðný og Kristín Rut

Lýkur í dag kl. 18!

Skráningu á gæðingamót og úrtöku Spretts lýkur í dag kl. 18!

Minnum á að í dag er síðasti skráningadagur á gæðingamót Spretts, sem jafnframt er úrtaka fyrir LM. Mótið fer fram dagana 31.05 – 01.06 2014. Skráning er í gegnum Sportfeng, www.sportfengur.com undir "Mót." Skráning er opin til kl. 18 í dag þriðjudag. 
ATHUGIÐ! Einungis skuldlausir félagsmenn eiga þátttökurétt.

Skráningargjald í gæðingakeppnina er kr 4.000 en fyrir börn og ungingar kr 2.000. Skráningargjald fyrir skeiðgreinar er kr 3.000.

Athugið: Skráning fer ekki í gegn fyrr en skráningargjald hefur verið greitt! Þeir sem ætla að skrá sig í áhugamannaflokk verða að tilkynna það með því að senda póst ámotanefnd@sprettarar.is

Boðið verður upp á eftirfarandi flokka:

 A-flokk gæðinga
 A-flokk gæðinga áhugamenn
 B-flokk gæðinga
 B-flokk gæðinga áhugamenn
 Ungmenni
 Unglingar
 Börn
 Skeið 100m, 150m, 250m
 Pollar

Á gæðingamótinu verður boðið upp á sérstakan flokk fyrir vana polla. Pollum er ekki sætaraðað en allir frá þátttökuverðlaun. Pollum er ekki heimilt að mæta á stóðhestum. Pollar þurfa ekki að skrá sig í gegnum Sportfeng heldur á staðnum.

Glæsileg verðlaun verða í öllum greinum og að auki verður gæðingur mótsins valinn sem og knapi mótsins. Áhugamenn í A og B flokki ríða forkeppni með reyndari knöpum en áhugamenn ríða svo sérstök úrslit sunnudaginn 1. júní og þurfa þeir sem ætla að skrá sig í áhugamannaflokk að tilkynna það með því að senda póst á motanefnd@sprettar.is(knapi + hestur + keppnisflokkur).

Vinsamlega veitið því athygli að í gæðingakeppni þarf hesturinn að vera í eigu skauldlausra Sprettsfélaga. Keppendur eru beðnir að skoða vel reglur LH sem gilda um þátttöku í gæðingakeppni og þá sérstaklega.

 reglur varðandi keppnishesta / réttindi til skráningar
 reglur varðandi fótabúnað, beislisbúnað og útbúnað knapa
 járningar

Mótanefnd auglýsir eftir aðstoð við ýmis störf á mótinu, en framgangur mótsins veltur alfarið á góðum stuðningi félagsmanna. Þeir sem eru tilbúnir til að aðstoða geta sent tölvupóst á motanefnd@sprettarar.is 

Með kveðju
Mótanefnd Spretts
www.sprettarar.is