mánudagur, 14. október 2019
 
TölublöðVenjuleg útgáfa

Seinasti knapinn valinn

odinn@eidfaxi.is
15. júlí 2013 kl. 15:28

Hleð spilara...

Nú er ljóst hverjir skipa landslið Íslands.

Talsverð spenna hefur verið um hver myndi vera valinn í landsliðið, en Hafliði Halldórsson gaf það út á fundi þann 9.júlí sl. að gefið yrði upp hver seinasti knapinn yrði þann 14.júlí.

Eiðfaxi hafði samband við Hafliða og sagði hann að tilkynning yrði send út nú í dag.

Fyrir valinu varð Karen Líndal Marteinsdóttir og Týr frá Þverá II eins og sagt var í fréttinni og viðtalinu við Karen sem hægt er að sjá hér á vefnum.

Yfirlýsing frá Landsliðsnefnd:

Landsliðið orðið fullskipað    

Landslið Íslands í hestaíþróttum er nú orðið fullskipað. Við glæsilegan hóp knapa og hesta bætist Karen Líndal Marteinsdóttir og Týr frá Þverá II. Þau lentu í þriðja sæti í fjórgangi á nýafstöðnu Íslandsmóti í Borgarnesi og eru sannarlega vel að sætinu í landsliðinu komin.

Karen er reyndur tamningamaður og þjálfari að Vestri-Leirárgörðum og Týr er 8 vetra gamall stóðhestur undan Hágangi frá Narfastöðum og Þernu frá Djúpadal. Þau Týr eru magnað par sem hafa átt stígandi keppnisferil síðustu fjögur árin.

Til hamingju Karen!

Liðsstjórinn Hafliði Halldórsson tilkynnir einnig varaknapa sem staðsettur er í Þýskalandi. Það er Haukur Tryggvason með Hettu frá Ketilsstöðum, sem mun verða varapar landsliðsins og til taks ef eitthvað kemur uppá. Haukur hefur starfað og búið í Þýskalandi um árabil, áður verið í landsliði Íslands í hestaíþróttum og ávallt í fremstu röð knapa á íslenskum hestum á þýskri grundu.

Til hamingju með það Haukur!

Liðið fullskipað er þannig:

Fullorðnir

Jóhann Rúnar Skúlason og Hnokki frá Fellskoti – heimsmeistari 2011 – T1, V1

Bergþór Eggertsson og Lótus van Aldenghoor – heimsmeistari frá 2011 – 250m, 100m, gæðingaskeið

Eyjólfur Þorsteinsson – heimsmeistari frá 2011 – 250m, 100m, gæðingaskeið

Jakob Svavar Sigurðsson – Alur frá Lundum II – F1, T2, 250m, 100m, gæðingaskeið

Viðar Ingólfsson – Hrannar frá Skyggni – T2, V1

Hinrik Bragason – Smyrill frá Hrísum – T1, V1

Guðlaug Marín Guðnadóttir – Toppur frá Skarði – 250m, 100m, gæðingaskeið

Sigursteinn Sumarliðason – Skuggi frá Hofi I – F1, T2, 250m, 100m, gæðingaskeið

Daníel Jónsson – Oliver frá Kvistum – F1, T2, 250m, 100m, gæðingaskeið

Karen Líndal Marteinsdóttir – Týr frá Þverá II – V1, T1

 

Ungmenni

Arnar Bjarki Sigurðarson – Arnar frá Blesastöðum 1A - F1, T2, 250m, 100m, gæðingaskeið

Arna Ýr Guðnadóttir – Þróttur frá Fróni – T1, V1

Flosi Ólafsson – Möller frá Blesastöðum 1A – T1, V1

Konráð Valur Sveinsson – Þórdís frá Lækjarbotnum – 250m, 100m, gæðingaskeið

Gústaf Ásgeir Hinriksson – Björk frá Enni – T2, V1

 

Knapar kynbótahrossa

Sigurður Vignir Matthíasson– Vakning frá Hófgerði – 5v hryssur

Guðmundur Fr. Björgvinsson – Desert frá Litlalandi – 5v stóðhestar

Guðmundur Fr. Björgvinsson – Fura frá Hellu – 6v hryssur

Þórður Þorgeirsson – Gígur frá Brautarholti – 6v stóðhestar

Elías Árnason – Salka frá Snjallsteinshöfða – 7v og eldri hryssur

Sigurður Óli Kristinsson – Feykir frá Háholti – 7v og eldri stóðhestar

 

Varaknapar
Birgitta Bjarnadóttir – Blika frá Hjallanesi – ungmenni (varaknapi fram að brottfor hrossa frá Íslandi)

Haukur Tryggvason – Hetta frá Ketilsstöðum - varaknapi

 

 

Landsliðsnefnd LH