þriðjudagur, 18. júní 2019
 
TölublöðVenjuleg útgáfa

Ráslisti kvöldsins birtur

11. febrúar 2015 kl. 12:09

Margir eru eflaust spenntir að sjá Daníel og Arion spreyta sig í gæðingafimi.

Daníel Jónsson mætir á Arion frá Eystra-Fróðholti i gæðingafimikeppni Meistaradeildar.

Þá nálgast gæðingafimin óðfluga og eru ráslistarnir tilbúnir. Margir nýjir hestar eru skráðir til leiks en sigurvegarinn frá því í fyrra, Olil Amble, teflir fram öðrum hesti Frama frá Ketilsstöðum. Frami er þó enginn nýgræðingur á keppnisvellinum en hann hefur gert það vel með eiganda sínum Elinu Holst. Frami var einnig í topp tíu í gæðingafiminni í fyrra en þá var Bergur Jónsson á honum.  Af þeim tíu sem komust í úrslit í fyrra eru einungis tvö pör skráð til leiks en það eru þaur Sylvía Sigurbjörnsdóttir og Héðinn Skúli frá Oddhóli (3. sæti) og Eyrún Ýr Pálsdóttir og Kjarval frá Blönduósi (6. sæti)

Daníel Jónsson mætir á stólpagæðingnum Arion frá Eystra-Fróðholti en gaman verður að sjá hvernig þeim tekst til á morgun. Arion og Daníel mættu í töltið í fyrra og gerðu vel. Bergur Jónsson teflir fram Kötlu frá Ketilsstöðum en þau voru í B úrslitum í fjórgangnum. Hástökkvarar fjórgangsins mæta einnig þau Þórdís Erla Gunnarsdóttir og Sproti frá Enni. Það er greinilegt að það stefnir í hörku keppni og verður spennandi að sjá hverjir ná topp fimm þetta árið.

 Við viljum minna á sýnikennsluna sem mun verða kl 18:30 áður en að keppni hefst en þar munu þeir Anton Páll Níelsson og Ólafur Andri Guðmundsson leiða okkur gegnum gæðingafimina og útskýra um hvað hún snýst. 

Húsið opnar kl. 17:30 og hvetjum við fólk til að mæta stundvíslega. Hlaðborðið verður á sínum stað í Fákaseli og alveg tilvalið að mæta snemma og fá sér gott að borða fyrir keppni.

Keppnin verður sýnd í beinni útstendingu á Stöð2 Sport en auk þess er hægt að sjá beina útsendingu á heimasíðu Meistaradeildar www.meistaradeild.is gegn vægri greiðslu. 

Hér er ráslistinn

  1. Ragnar Tómasson - Sleipnir frá Árnanesi
  2. Ísólfur Líndal Þórisson -Kristófer frá Hjaltastaðahvammi
  3. Eyrún Ýr Pálsdóttir - Kjarval frá Blönduósi
  4. Lena Zielenski- Melkorka frá Hárlaugsstöðum 2
  5. Hinrik Bragason - Geisli frá Svanavatni
  6. Guðmundur Björgvins - Kilja frá Grindavík
  7. Guðmar Þór Pétursson - Katla frá Kommu
  8. Sylvía Sigurbjörnsdóttir - Héðinn Skúli frá Oddhóli
  9. Bergur Jónsson - Katla frá Ketilsstöðum
  10. Sigurbjörn Bárðarson - Jarl frá Miðfossum
  11. Aðalheiður Anna Guðjónsdóttir - Spretta frá Gunnarsstöðum
  12. Helga Una Björnsdóttir - Vág frá Höfðabakka
  13. Hulda Gústafsdóttir - Kiljan frá Holtsmúla 1
  14. Þórdís Erla Gunnarsdóttir - Sproti frá Enni
  15. Reynir Örn Pálmasson - Röst frá Lækjamóti
  16. Daníel Jónsson - Arion frá Eystra-Fróðholti
  17. Sigurður Sigurðarson - Dreyri frá Hjaltasöðum
  18. Viðar Ingólfsson - Dáð frá Jaðri
  19. John Kristinn Sigurjónsson - Sigríður frá Feti
  20. Árni Björn Pálsson - Skíma frá Kvistum
  21. Olil Amble - Frami frá Ketilsstöðum
  22. Jakob S Sigurðsson - Gloría frá Skúfslæk
  23. Þórarinn Ragnarsson - Hrísey frá Langholtsparti
  24. Sigurður Vignir Matthíasson - Roði frá Margrétarhofi