laugardagur, 23. nóvember 2019
 
TölublöðVenjuleg útgáfa

Ræktun 2015 í Fákaseli

13. apríl 2015 kl. 09:31

Frá sýningunni Ræktun í fyrra.

Áhersla á ræktunarbú og afkvæmasýningar.

Stórsýning Hrossaræktarsamtaka Suðurlands RÆKTUN 2015 fer fram í Fákaseli að Ingólfshvoli laugardaginn 25. apríl n.k. Þetta er í fimmtánda sinn sem sýningin er haldin.

"Eins og verið hefur þá verður áherslan á sýningar ræktunarbúa, afkvæmasýningar hryssna og stóðhesta ásamt hópa einstaklingssýndra hryssna og stóðhesta. 

Þetta er í fimmtánda sinn sem þessi sýning er haldin og hefur hún verið vel sótt og færri komist að en vildu. Mörg spennandi ræktunarbú og afkvæmahópar hafa tilkynnt um þátttöku sína. Þetta er frábært tækifæri til að koma hryssum, stóðhestum, ræktun sinni og/eða afkvæmahópi á framfæri.

Þeir sem hafa áhuga á að koma fram á sýningunni vinsamlegast hafið samband við sýningarstjóra Viðar Ingólfsson í síma 8670214 eða á tumi@tumi.is," segir í tilkynningu frá Hrossaræktarsamtökum Suðurlands.