þriðjudagur, 23. júlí 2019
 
TölublöðVenjuleg útgáfa

Ráðgjöf um fóðrun hrossa

13. október 2015 kl. 11:54

Kirkjubær

Dr. Susanne Braun dýralæknir mun miðla af víðtækri þekkingu sinni.

Lífland býður til fræðslufundar um fóðrun hrossa í verslun Líflands Lynghálsi 3 laugardaginn 17. október n.k. kl 10-11. 

Nú, þegar mörg hross eru í hagagöngu er mikilvægt að horfa til steinefna- og bætiefnafóðrunar. Íslenskan hagagróður getur skort ýmis mikilvæg stein- og snefilefni, t.d. selen og natríum og þarft að huga að réttri fóðrun. Í hönd fer landsmótsár þar sem vafalítið á eftir að reyna meira á hesta í þjálfun og brúkun og reynir þar einnig á fóðrunarþáttinn.  

Dr. Susanne Braun er íslenskum hestamönnum að góðu kunn. Susanne hefur starfað sem dýralæknir á Íslandi í áratug. Hún er sérfræðingur í hestasjúkdómum og auk þess IVCA kírópraktor og reiðkennari ásamt því að vera alþjóðlegur íþróttadómari.

Dr. Susanne Braun dýralæknir mun miðla af víðtækri þekkingu sinni í máli og myndum auk þess sem söluráðgjafar Líflands verða á svæðinu. Susanne verður til skrafs og ráðagerða að loknu erindi sínu. Veittur verður 15% afsláttur af hestafóðri frá Líflandi og Pavo, auk tilboða á völdum bætiefnavörum fyrir hesta. Það verður að sjálfsögðu heitt á könnunni.