þriðjudagur, 20. ágúst 2019
 
TölublöðVenjuleg útgáfa

Opið mót á Melgerðismelum

7. ágúst 2014 kl. 11:32

Frá LM1998 á Melgerðismelum í Eyjafirði.

Gæðingakeppni.

Nú styttist í opið stórmót hestamanna á Melgerðismelum, en að vanda verður það haldið þriðju helgina í ágúst, nánar tiltekið 16. og 17. ágúst þetta árið.

Keppt verður í A- og B-flokki, ungmenna-, unglinga- og barnaflokki og fyrirkomulagið verður þannig að sérstök forkeppni fer fram með þrem keppendum inni á vellinum í einu.

Þá verður keppt í tölti með tvo keppendur inni á velli í forkeppni.

Í kappreiðum verður keppt í 100 m flugskeiði, 150 m skeiði og 250 m skeiði, 300 m stökki og 300 m brokki.

Peningaverðlaun verða í boði í kappreiðunum, 1. verðlaun 15. þús., 2. verðl. 10 þús. og 3. verðlaun 5 þús. kr.

Félagið áskilur sér rétt til að fella niður greinar ef þátttaka verður ekki næg.

Skráningargjald er kr. 2.500- fyrir hverja grein, en skráning fer fram á vefnum á slóðinni http://skraning.sportfengur.com/ en þar þarf að velja félag Funa, fylla út skráninguna, setja í vörukörfu og velja greiðslu með millifærslu. Greiðsla berist á reikning 0162-05-269390 kt. 470792-2219.

Seinasti skráningar- og greiðsludagur er miðvikudagurinn 13. ágúst og eru keppendur hvattir til að skrá sig snemma til að hægt sé að bregðast við vandamálum sem kunna að koma upp.