föstudagur, 20. september 2019
 
TölublöðVenjuleg útgáfa

Opið fyrir skráningar á Íslandsmót

22. júní 2015 kl. 15:50

Kristófer Darri SIgurðsson og Lilja frá Ytra-Skörðugili.

Íslandsmót í hestaíþróttum 8.-12. júlí á Kjóavöllum.

Íslandsmótin í hestaíþróttum 2015 verður haldið á félagssvæði Spretts í Kópavogi og Garðabæ dagana 8 til 12 júli n.k. Öllu verður tjaldað til enda búist við fjölda knapa, hesta og áhorfenda, samkvæmt tilkynningu frá hestamannafélaginu Spretti.

"Félagssvæði Spretts er að komast í hátíðarbúninginn og Sprettarar vinna ötullega að undirbúningi. Forkeppnin öll verður keyrð samtímis á tveimur völlum 8-10 júlí en svo öll úrslitin á aðalvellinum í Sprettsskeifunni þann 11 og 12 júli.

Hjá Spretti verður boðið uppá allt það besta sem er að gerast í hestageiranum okkar enda aðstaðan öll eins og best verður. Á mótinu verða ljúffengar veitingar alla dagana þar sem Sprettarar selja kaffi og með því ásamt því að skemmtilegir matarvagnar verða á staðnum með úrvali veitinga.

Búið er að opna fyrir skráningu á www.sportfengur.com og er skráningafrestur til miðnættis 28 júni. Stofnuð hafa verið tvö mót í Sportfeng.  Eitt fyrir fullorðna og ungmenni og annað fyrir börn og unglinga.  Þetta er gert til að einfalda vinnu í Kappa - biðjum þá sem skrá sig að hafa það í huga.

Skráningagjald er kr. 4500 fyrir barna-, unglinga- og ungmennaflokka,  kr. 6500 fyrir fullorðinsflokkana og kappskeiðgreinar kr. 4.000,-  Skráning er staðfest með greiðslu – annað ekki tekið til greina.  

Skráningarfrestur er til miðnættis sunnudagsins 28 júni. Hægt er að skrá til miðnættis 1 júlí en þá hækkar skráningargjaldið um kr. 2000 á hverja grein. Allar frekar upplýsingar um skráningu fást með að senda tölvupóst á islandsmot@sprettarar.is

Keppendur athugið að það er einn keppandi inná vellinum í einu nema í fjórgang barnaflokki en þá verða 3 inná í einu og riðið eftir þul.

Öll aðstaða er til staðar á Sprettssvæðinu og hesthús í boði.  Allar nánari upplýsingar um hesthúsapláss fást hjá framkvæmdastjóra Spretts Magga Ben.

Við hvetjum knapa til að fylgjast vel með upplýsingum á heimasíðu Spretts, á facebooksíðu Spretts og á viðburðinum “Íslandsmót í hestaíþróttum” sem stofnuð hefur verið.  Einnig verður gefið út kort um aðkomur að svæðinu og hvar hvaða viðburðir fara fram."