þriðjudagur, 17. september 2019
 
TölublöðVenjuleg útgáfa

Opið áhugamannamót

1. júní 2011 kl. 11:51

Opið áhugamannamót

Opið orginal áhugamannamót Fáks fer fram helgina 4. – 5.  júní nk. sem eingöngu er hugsað fyrir áhugamenn, eins og nafnið gefur til kynna. Boðið verður upp á þrjá styrkleikaflokka í tölti og fjórgangi þ.e. byrjendaflokk, minna vanir og meira vanir.  Einnig verður boðið upp á einn flokk í fimmgangi ef næg þátttaka fæst.

Þulur mun stýra öllum keppendum og verða þrír knapar inn á í einu. Í byrjendaflokki verður einungis riðið hægt tölt upp á aðra hönd og yfirferðar tölt upp á hina. Boðið verður upp á einn flokk í fimmgangi ef næg þátttaka fæst.

Fákur hvetur alla áhugamenn hvort sem er vana, meiri vana eða byrjendur að taka þátt og velja sér flokk við hæfi.  Mælt er með því að keppendur sem hafa náð 6,4 eða hærra í forkeppni í tölti og 6,1 eða hærra í fjórgangi skrái sig í meira vana.

Aldurstakmark á mótið er 22 ár. Tekið verður á móti skráningum í  kvöld milli kl.  18-20 í Reiðhöllinni Víðidal og á sama tíma í símum 567 0100 / 567 2166 / 820 1117. Verð fyrir hverja skráningu er 3.000 kr.

Við skráningu þarf að hafa tiltækt nafn og kennitölu knapa, IS-númer, nafn og uppruna hests, í hvaða flokk á að skrá og kortanúmer fyrir skráningargjöldum.