fimmtudagur, 27. júní 2019
 
TölublöðVenjuleg útgáfa

Námskeiðið í þágu hestsins

23. júlí 2013 kl. 20:35

Gerd Heuschmann

27. - 28. júlí

"Núna um helgina, 27.-28. júlí fer fram námskeiðið Í þágu hestsins - Þjálfun hestsins verður að taka mið af líkamsbyggingu hans“ sem haldið verður af Endurmenntun LbhÍ á Hvanneyri og í Hestamiðstöð LbhÍ á Miðfossum. Fyrirlesari er Dr. Gerd Heuschmann, hestafræðingur, hestamaður og dýralæknir.
Dr. Gerd Heuschmann er þýskur dýralæknir sem hefur sérhæft sig í hreyfifræði hesta og á afleiðingu rangrar þjálfunar á heilbrigði og velferð. Hann er ötull talsmaður þess að þjálfun sé í fullri samvinnu við hestinn og hefur talað gegn hverskonar þvingunum við þjálfun. Það er Dr. Gerd Heuschmann hjartans mál að tamning hestsins nái á ný út fyrir hreina verkkunnáttu og verði aftur að þeirri list sem hún var. Heuschmann hefur haldið námskeið og fyrirlestra víða um heim. Hann er höfundur bókanna: „Tug of War: Classical versus Modern dressage“ og „Balancing act: The horse in sport-an irreconcilable conflict“ og DVD myndarinar „If horses could speak“ (60 min). 
Námskeiðið er haldið í minningu Reynis Aðalsteinssonar sem í sinni reiðmennsku lagði mikla áherslu á samvinnu og sanngirni við þjálfun hestsins og lagði áherslu á að ná fram léttleika í taumsambandi.
Hér býðst einstakt tækifæri fyrir dýralækna og alla hestamenn sem hugsa um dýravelferð við þjálfun og keppni, að læra um gildi þjálfunaraðferða í meðferð hrossa. Dr. Gerd Heuschmann mun varpa skýrara ljósi á hvað gerist í líkama hestsins við ranga þjálfun og síðan við rétta þjálfun út frá líkamsbyggingu og þjálfunarfræðilegu sjónarmiði (Biomechanik). Þetta er því frábært tækifæri til að fræðast af einum helsta sérfræðingi á þessu sviði og ekki síst að koma saman og skiptast á skoðunum.  Allar nánari upplýsingar á heimasíðunni www.lbhi.is/namskeid - þar fara jafnframt hægt að skrá sig, fyrir 24. júlí." segir í tilkynningu frá endurmenntun Landbúnaðar Háskóla Íslands