þriðjudagur, 17. september 2019
 
TölublöðVenjuleg útgáfa

Námskeið fyrir unga þjálfara og sýnendur kynbótahrossa.-

31. janúar 2011 kl. 10:51

Námskeið fyrir unga þjálfara og sýnendur kynbótahrossa.-

Alþjóðlegt námskeið á vegum FEIF fyrir unga þjálfara og sýnendur kynbótahrossa verður haldið að Skeiðvöllum í Landssveit dagana 31. mars til 3. apríl í vor...

Námskeiðið er ætlað fólki á aldrinum 18 – 26 ára sem hefur reynslu af þjálfun og sýningu kynbótahrossa en hefur áhuga á frekari menntun og þjálfun á því sviði. Markmiðið er einnig að gefa ungum sýnendum kost á að skiptast á skoðunum og fræðast af samherjum á líkum aldri. Hámarksfjöldi þátttakenda eru þrír aðilar frá hverju FEIF landi.
Á námskeiðinu verður farið bóklega og verklega yfir sýningu kynbótahrossa. Fyrirlesarar verða kennarar frá Landbúnaðarháskóla Íslands, reyndir kynbótadómarar, ræktendur og þjálfarar auk sýnenda í fremstu röð.
Heildarnámskeiðsgjald er 245 evrur sem inniber kennslugögn, gistingu í svefnpoka plássi og fæði á Skeiðvöllum. Hluta af heildargjaldi, staðfestingargjald 50 evrur þarf að greiða til FEIF fyrir 1. mars.
Á Íslandi tekur við umsóknum fyrir hönd FEIF, Guðlaugur V. Antonsson hrossaræktarráðunautur BÍ. netfang ga@bondi.is  Vegna skipulagningar námskeiðsins þurfa umsóknir um þátttöku að berast í síðasta lagi 14. febrúar næstkomandi. Nánari upplýsingar í síma 892-0619.