mánudagur, 14. október 2019
 
TölublöðVenjuleg útgáfa

Miðsumarssýning kynbótahrossa á Selfossi

9. júlí 2013 kl. 21:34

Síðasti skráningar- og greiðsludagur er mánudagurinn 15.júlí

Kynbótasýning fer fram á Selfossi dagana 22. til 26. júlí næstkomandi og/eða svo sem skráningar gefa tilefni til.

Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“.

Síðasti skráningar- og greiðsludagur er mánudagurinn 15. júlí. Verð fyrir fullnaðardóm er 18.500,- kr. en fyrir sköpulagsdóm eða hæfileikadóm 13.500,- kr. Endurgreiðslur á sýningargjöldum koma því aðeins til greina að látið sé vita um forföll fyrir kl. 16:00 síðasta virka dag áður en kynbótasýningin hefst í síma 516-5000 en einnig er hægt að senda tölvupóst á netföngin petur@rml.is og rml@rml.is. Endurgreitt er kr. 11.000,- fyrir hross sem skráð hefur verið í fullnaðardóm og kr. 8.000,- fyrir hross sem aðeins hefur verið skráð í sköpulags- eða hæfileikadóm. Slasist hross eftir að sýning hefst er sama hlutfall endurgreitt gegn læknisvottorði.

Allar nánari upplýsingar í síma Ráðgjafarmiðstöðvar landbúnaðarins 516-5000 eða á heimasíðunni www.rml.is þar sem t.d. eru leiðbeiningar um hvernig eigi að skrá hross á sýningu. Einnig er hægt að senda fyrirspurnir á netfangið rml@rml.is.

Minnum á að allir stóðhestar verða að vera DNA greindir svo og foreldrar þeirra. Úr stóðhestum fimm vetra og eldri þarf að liggja fyrir blóðsýni og hæklamynd í WorldFeng svo hægt sé að skrá þá á sýningu.