mánudagur, 17. júní 2019
 
TölublöðVenjuleg útgáfa

Metamót Spretts

16. ágúst 2013 kl. 17:48

Eyjólfur á Klerki frá Bjarnanesi. Myndin er tekin á Metamóti Andvara í fyrra.

Fyrsta sinn sem verður keppt á nýja keppnissvæðinu í Spretti

Metamót Spretts (áður Andvara) fer fram 30.ágúst til 1.september. Mótið hefur verið eitt af vinsælustu mótunum undanfarin ár og lokahnykkurinn á keppnistímabilinu. Að venju verður mótið með frjálslegu sniði þar sem keppt er í A- og B- flokki á beinni braut, kappreiðum og tölti. Nú verður í fyrsta sinni keppt á nýjum og stórglæsilegum keppnissvæði Hestamannafélagsins Spretts á Kjóavöllum. Keppt verður í eftirfarandi flokkum:

A-flokkur opinn flokkur
B-flokkur opinn flokkur
Tölt T3 opinn flokkur
Forstjóratölt
100m fljúgandi ljósaskeið
150m skeið
250m skeið
Rökkurbrokk (100m brokkkappreiðar)
A-flokkur áhugamanna
B- flokkur áhugamanna

Lágmarksaldur í keppni á mótinu er 18 ár (miðað er við ungmennaflokk).

Rökkurbrokkið er ný grein sem kynnt var til leiks á mótinu í fyrra. Að þessu sinni verða peningaverðlaun fyrir þrjá bestu tímana í brokkinu og verður skráningargjald einungis 2000 kr í þá grein!

Skráning á mótið hefst næstkomandi mánudag á sportfengur.com og stendur yfir til mánudagsins 26.ágúst til kl 23:59.

Fylgist með á facebook-síðu mótsins: https://www.facebook.com/MetamotSpretts2013