þriðjudagur, 17. september 2019
 
TölublöðVenjuleg útgáfa

Meistaradeild - Spónn.is

24. janúar 2011 kl. 13:39

Meistaradeild - Spónn.is

Næsta lið sem við kynnum til leiks í Meistaradeild í hestaíþróttum er Spónn.is. En það er nýtt lið í deildinni...

sem er að mestu byggt á knöpum sem hafa verið þar áður. Liðsstjóri liðsins er Ævar Örn Guðjónsson og með honum eru þeir Elvar Þormarsson, Sigursteinn Sumarliðason og Sólon Morthens.

Ævar Örn Guðjónsson er tamningamaður og reiðkennari frá Hólaskóla. Hann rekur tamningastöð á félagssvæði Andvara. Á undanförnum árum hefur náð glæstum árangri á keppnisbrautinni sem og á kynbótabrautinni.

Elvar Þormarsson stundar tamningar og þjálfun á Hvolsvelli. Hann stundar hrossarækt ásamt fjölskyldu sinni á Strandarhjáleigu og hlutu þau titilinn ræktunarbú ársins 2009. Hann varð Íslandsmeistari í fjórgangi s.l. sumar og hefur verið að gera góða hluti í keppni og sýningum á undanförnum árum.

Sigursteinn Sumarliðason stundar tamningu og þjálfun að Forsæti í Vestur-Landeyjum. Hann var kjörinn gæðingaknapi ársins 2010, varð heimsmeistari í gæðingaskeiði 2007 og hefur verið að gera góða hluti á keppnisvellinum undanfarin ár.

Sólon Morthens er tamningamaður og reiðkennari frá Hólaskóla. Hann vakti mikla athygli á keppnisvellinum síðast liðið ár og hefur meðal annars hlotið reiðmennskuverðlaun FT-Norður.

Fengur ehf. (spónn.is) var stofnað á árinu 2009 af Sigurði Halldórssyni.
Fyrirtækið rekur meðal annars endurvinnslu sem sett var upp í framhaldi af tilraunum sem gerðar voru á árinu 2008 um nýtingu timburs sem fellur til hér á landi til framleiðslu á spón. Lögð er áhersla á að nota vistvæna orkugjafa til framleiðslunnar.

Í dag framleiðir endurvinnslan spón fyrir íslenskan landbúnað. Áætlað er að framleiða um 3000 tonn á ári fyrir innlendan markað.

www.meistaradeild.is