miðvikudagur, 26. júní 2019
 
TölublöðVenjuleg útgáfa

Liðakynning í KS deildinni

19. febrúar 2017 kl. 22:44

Elvar Einarsson á Kóngi á HM2011. Mynd/Hm2011

Sterkt lið hofstorfunnar 66° Norður

Fimmta liðið sem við kynnum í KS-Deildinni er Hofstorfan 66¨°norður.

Stórbóndinn Elvar E. Einarsson er liðsstjóri og hefur hann aga á sínu liði. 
Elvar er nánast óþarft að kynna, mikill keppnismaður sem gefur ekkert eftir þegar í brautina er komið.
Snjall skeiðreiðarmaður.

Bjarni Jónasson er þarna í liði. Bjarni mætir alltaf vel undirbúinn til leiks og er árangurinn eftir því, ætíð í fremstu röð.

Frá Hofi á Höfðaströnd mætir Lilja Pálmadóttir. Lilja hefur ávallt úr góðum hestum að velja og heyrst hefur að sá magnaði
fjórgangari Mói frá Hjaltastöðum sér klár í slaginn. Þá mega aðrir passa sig.Ungmennastjarnan

Gústaf Ásgeir Hinriksson er þarna liðsmaður. Gústi þekkir nánast ekkert annað en að vinna þær keppnir
sem hann tekur þátt í. 

Í vetur fær hann alvöru samkeppni.Af suðurlandi kemur Sigurður Óli Kristinsson inn í liðið, snjall knapi með flotta ferilskrá en hlutverk hans í liðinu er ekki ljóst.
Eflaust mætir Siggi Óli sterkur til leiks. Þetta lið er ekki árennilegt og ætlar sér stóra hluti.