þriðjudagur, 25. júní 2019
 
TölublöðVenjuleg útgáfa

Kynbótasýning á Melgerðismelum

odinn@eidfaxi.is
22. maí 2014 kl. 12:50

Þessi ungi foli, Snjár frá Torfastöðum, kemur fyrir í kynbótadóm í vor. Snjár er á fimmta vetri undan Huginn frá Haga og Snjálaugu frá Torfastöðum.

3.-6. júní

Kynbótasýning fer fram á Melgerðismelum dagana 3.-6. júní verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Síðasti skráningar- og greiðsludagur er nk. mánudag, 26. maí. Verð fyrir fullnaðardóm er 20.500,- kr. en fyrir sköpulagsdóm eða hæfileikadóm 15.500,- kr. Endurgreiðslur á sýningargjöldum koma því aðeins til greina ef forföll eru tilkynnt fyrir kl. 16:00 síðasta virka dag fyrir sýningu, þ.e. mánudaginn 2. júní í síma 516-5000. Einnig er hægt að senda tölvupóst á netföngin lr@rml.is og rml@rml.is.

Endurgreiddar eru kr. 13.000,- fyrir hross sem skráð hefur verið í fullnaðardóm og kr. 10.000,- fyrir hross sem aðeins hefur verið skráð í sköpulags- eða hæfileikadóm. Slasist hross eftir að sýning hefst er sama hlutfall endurgreitt gegn framvísun læknisvottorðs.
Allar nánari upplýsingar í síma RML, 516-5000 eða hér á heimasíðunni undir "Búfjárrækt/hrossarækt/kynbótasýningar" þar sem t.d. má finna leiðbeiningar um hvernig eigi að skrá hross á sýningu.

Einnig er hægt að senda fyrirspurnir á netföngin lr@rml.is og rml@rml.is.

Minnum á að allir stóðhestar verða að vera DNA-greindir svo og foreldrar þeirra. Fyrir hvern stóðhest fimm vetra og eldri þurfa niðurstöður úr blóðsýni og röntgenmynd af hæklum að liggja fyrir í WorldFeng. Ef þessar upplýsingar vantar er ekki hægt að skrá þá á sýningu.