miðvikudagur, 19. júní 2019
 
TölublöðVenjuleg útgáfa

Kortasjá LH

7. júní 2019 kl. 21:45

Hestaferðir

Kortasjá LH er afar gagnlegt verkfæri þegar kemur að skipulagningu og undirbúningi fyrir hestaferðir sumarsins

Kortasjá LH er afar gagnlegt verkfæri þegar kemur að skipulagningu og undirbúningi fyrir hestaferðir sumarsins. Í Kortasjánni eru ótal reiðleiðir í öllum landshlutum, skálar merktir inn og auðvelt að mæla vegalengdir.

Nýlega kom inn í Kortasjána sá möguleiki að setja inn myndir í gegnum myndavefsvæðið flickr.com og geta allir sett inn myndir sem vilja.

Til að setja inn mynd þarf að stofna flickr-aðgang, setja mynd inn á þinn reikning og deila henni í grúppu sem heitir „Kortasjá LH“. Myndin þarf að hafa gps-punkta og þegar umsjónarmaður grúppunar samþykkir myndina birtist hún í Kortasjánni á þeim stað sem hún var tekin. Flestir símar og nettengdar myndavélar bjóða upp á þann möguleika að skrá gps-staðsetningu myndar.

Óskað er sérstaklega eftir myndum sem er lýsandi fyrir reiðleiðina, til dæmis fallegar landslagsmyndir þar sem reiðleiðin sést vel.