þriðjudagur, 23. júlí 2019
 
TölublöðVenjuleg útgáfa

Knapar velja upp á hvora hönd þeir ríða

8. júní 2016 kl. 11:53

Sigurvegari B-flokks á Landsmóti, Loki frá Selfossi og Sigurður Sigurðarson.

Áríðandi tilkynning til allra knapa í gæðingakeppni Landsmóts, allra flokka.

"Stjórn LH og keppnisnefnd LH hafa eftir íhugun ákveðið að leyfa að sérstök forkeppni fari til reynslu fram upp á þá hönd sem knapar kjósa.  Hingað til hefur hún einungis verið riðin á vinstri hönd sem er eiginlega ekki í anda gæðingakeppninnar þar sem verið er að leita að besta hestinum, ekki þeim sem er bestur upp á vinstri hönd og því mega knapar í milliriðlum kjósa upp á hvora hönd þeir ríða og meira að segja snúa við, og í úrslitum eru öll atriði sýnd upp á báðar hendur.

Því þurfa þeir knapar sem hafa áunnið sér keppnisrétt á Landsmóti núna á Hólum að tilkynna sínum hestamannafélögum sem skila skráningum til LH, upp á hvora hönd þeir vilja ríða sína sérstöku forkeppni, hægri eða vinstri.

Það er mjög áríðandi að allir láti vita, líka þeir sem áfram ætla að ríða upp á vinstri hönd, svo klárt sé að allir séu upplýstir um þennan möguleika og fái að ríða upp á þá hönd sem hentar þeirra hesti best"

Með Landsmótskveðju
Keppnisnefnd LH, stjórn LH