föstudagur, 23. ágúst 2019
 
TölublöðVenjuleg útgáfa

Jólagjöf hestamannsins

9. desember 2013 kl. 14:38

Ferð þú í jólaköttinn ?

Það eru ekki nema rétt rúmir sex mánuðir í Landsmót hestamanna á Hellu næsta sumar. Er því ekki upplagt að lauma miða á mótið í jólapakka hestamannsins?

Á skrifstofu LH/LM eru seld falleg gjafabréf fyrir miðum á mótið og því leikur einn að gefa hestamanninum í fjölskyldunni einmitt það sem hann vantar! 

Forsalan er í fullum gangi og stendur hún til og með 31. desember 2013. Nú má fá vikupassa á kr. 12.000 fyrir félaga í LH/BÍ en þetta verð hækkar um áramótin upp í kr. 15.000. Svo það er um að gera að tryggja sér miða á besta verðinu fyrir áramót!

Hafðu samband á netfangið anna@landsmot.is eða hringdu í síma 514 4030 og græjaðu jólagjafirnar! Minnum á að hjá okkur er einnig hægt að kaupa DVD diska frá mótunum 2011 og 2012, sem og buff, húfur, boli og peysur merkt Landsmóti.