laugardagur, 19. október 2019
 
TölublöðVenjuleg útgáfa

Ísólfur og Kristófer sigruðu fjórgang

23. febrúar 2012 kl. 09:57

Ísólfur og Kristófer sigruðu fjórgang

Ísólfur Líndal Þórisson fór með sigur af hólmi í æsispennandi fjórgangskeppni KS-mótaraðarinnar sem fram fór í gærkvöldi í Svaðastaðahöll.

 
Mikið mæddi á Ísólfi og gæðingnum hans Kristófer frá Hjaltastaðahvammi en þeir fóru fjallabaksleiðina að sigrinum, tryggðu sér sæti í A-úrslitum með sigri í B-úrslitum. Aðeins er tæp vika síðan Ísólfur og Kristófer unnu fjórgangsmót Húnvetnsku liðakeppninnar og eru þeir að stimpla sig rækilega inn meðal sterkustu íþróttakeppnispar landsins. Kristófer er undan Andvarasyninum Stíganda frá Leysingjastöðum II og Kosningu frá Ytri-Reykjum sem er undan Bakka-Baldurssyni. 
 
Annar varð Ólafur Magnússon á Gáska frá Sveinastöðum sem var efstu eftir forkeppni og bronsið fékk Sölvi Sigurðarson sem sat Óða-Blesa frá Lundi. Öll úrslit eru væntanleg á KS-deildarsíðu Eiðfaxa.
 
A-úrslit
  1. Ísólfur Líndal Þórisson – Kristófer frá Hjaltastaðahvammi  7,47
  2. Ólafur Magnússon -  Gáski frá Sveinsstöðum  7,40
  3. Sölvi Sigurðsson – Óði- Blesi frá Lundi  7,37
  4. Bjarni Jónasson – Roði frá Garði  7,23
  5. Baldvin Ari Guðlaugsson – Senjor frá Syðri Ey  7,13
  6. Fanney Dögg Indriðadóttir – Grettir frá Grafarkoti  7,0