laugardagur, 21. september 2019
 
TölublöðVenjuleg útgáfa

Íslensk hrossarækt í 100 ár- Ráðstefna

29. nóvember 2016 kl. 12:06

Minnt er á ráðstefnuna Íslensk hrossarækt í 100 ár. Afar spennandi dagskrá er í boði og er allt áhugafólk um hrossarækt hvatt til að mæta.

Félag hrossabænda, Háskólinn á Hólum, Matvælastofnun, Ráðgjafarmiðstöð landbúnaðarins og Sögusetur íslenska hestsins.
Íslensk hrossarækt í 100 ár - Stefnumótun hrossaræktarinnar - Ráðstefna haldin laugardaginn 3. desember. 

Minnt er á ráðstefnuna Íslensk hrossarækt í 100 ár. Afar spennandi dagskrá er í boði og er allt áhugafólk um hrossarækt hvatt til að mæta.
Það stefnir í góða mætingu og eru áhugasamir beðnir um að skrá sig fyrir 1. desember. Skráningin fer fram hér á heimasíðunni, rml.is (sjá: Á döfinni) eða í gegnum tengil neðst hér í auglýsingunni. Aðgangur að ráðstefnunni er ókeypis en til sölu verður dýrindis hádegismatur á sanngjörnu verði.

Þróun og endurskoðun ræktunarmarkmiðsins og dómskalans er að fara í gang af krafti. Mikilvægt er að marka stefnu til næstu ára; móta ræktunarmarkmiðin og matið á hestinum í kynbótadómum. Því er hugmyndin að virkja fundarfólk til þátttöku í þeirri vinnu. Á ráðstefnunni verður því um hópavinnu að ræða þar sem þátttakendum verður skipt í vinnuhópa til að fara í gegnum fyrst og fremst tvö umræðuefni:

  • Ræktunarmarkmiðin
    • Hin almennu markmið; m.a. heilsa, ending, frjósemi, litir, stærð.
    • Eitt eða fleiri ræktunarmarkmið.
    • Vægistuðlar eiginleikanna.
    • Alhliða hestar – klárhestar með tölti; tvær aðaleinkunnir.
  • Dómskalinn – þróun og uppfærsla – Hæfileikar hrossa:
    • Matsaðferðir við dóma.
    • Uppsetning reiðdómsins – verkefni til betra mats.
    • Dómar á ungum hrossum – kröfur eftir aldri.
    • Hlutlægar matsaðferðir.
Dagskrá ráðstefnunnar má sjá hérna að neðan en hún samanstendur af áhugaverðum og skemmtilegum fyrirlestrum og fyrrgreindri hópavinnu og kynningu hennar í lokin:Staðsetning: Samskipahöllin í Spretti
Tímasetning: 3. desember, 10:00 – 17:00Dagskrá:
Ráðstefnustjóri: Ágúst Sigurðsson
  • 10:00 – 10:20 Saga íslenskrar hrossaræktar og notkunar hestsins í 100 ár – Kristinn Hugason
  • 10:30 – 10:50 Rannsóknir í þágu hestsins – Sveinn Ragnarsson
  • 11:00 – 11:20 Þróun kynbóta og næstu skref í þekkingaröflun – Þorvaldur Árnason
  • 11:30 – 11:50 Þróun notkunar hestsins og keppnisgreina – Anton Páll Níelsson
  • 12:00 Matarhlé
  • 13:00 – 13:20 Velferð, ending og frjósemi hestsins – Sigríður Björnsdóttir
  • 13:30 – 13:50 Hrossaræktin og markaðurinn – Olil Amble
  • 14:00 – 14:20 Þróun ræktunarmarkmiðsins – Þorvaldur Kristjánsson
  • 14:20 – 15:10 Stefnumótun - Hópavinna
  • Kaffihlé – 20 mínútur
  • 15:30 – 16:20 Stefnumótun - Hópavinna
  • 16:20 - 16:55 Samantekt – Hópstjórar kynna afrakstur hópavinnunnar
  • 16:55 – 17:00 Lokasamantekt og ráðstefnuslit
Skráning á ráðstefnuna Íslensk hrossarækt í 100 ár