föstudagur, 18. október 2019
 
TölublöðVenjuleg útgáfa

Íslandsmót í hestaíþróttum

21. júní 2016 kl. 17:25

Íslandsmót

Hestamannafélagið Sleipnir heldur Íslandsmótið.

Íslandsmótið í hestaíþróttum verður haldið á félagssvæði Sleipnis að Brávöllum á Selfossi dagana 21-24 júlí. Öllu verður tjaldað til enda búist við fjölda knapa, hesta og áhorfenda.

Mótanefnd Sleipnis hefur unnið markvisst að undirbúningi og verður mótssvæðið í hátíðarbúning og allt hið glæsilegasta.

Skráning fer fram á Sportfeng og þarf að velja Sleipnir sem mótshaldara og velja þar fyrir neðan Íslandsmót. Skráning er nú þegar opin en lokað verður fyrir skráningu á miðnætti miðvikudagsins 13.júlí.

Ef greitt er með millifærslu þarf að senda staðfestingu á netfangið gjaldkeri@sleipnir.is

Hér eru einkunalágmörk fyrir íslandsmót en það er parið, hesturinn og knapinn sem ná þurfa eftirfarandi lágmörkum. Vakin er athygli á því að einkunnir parsins mega vera allt að tveggja ára gamlar.

Tekin var ákvörðun um að setja þau þar sem gömlu meistaraflokkslágmörkin voru og eru þau sem hér segir:

  • Tölt T1 ; 6,5
  • Fjórgangur V1 ; 6,2
  • Fimmgangur F1 ; 6,0
  • Tölt T2 ; 6,2
  • Gæðingaskeið PP1 ; 6,5
  • 250 m skeið 26 sekúndur
  • 150 m skeið 17 sekúndur
  • 100 m skeið 9 sekúndur

 

Hestamannafélagið Sleipnir hlakkar til þess að sjá ykkur í góðri stemmingu á Íslandsmóti 2016.

Mbk

Íslandsmótsnefnd Sleipnis