fimmtudagur, 14. nóvember 2019
 
TölublöðVenjuleg útgáfa

Hrossabóndi fær tjónið greitt

25. október 2019 kl. 10:50

Hrossa á útigangi - myndin tengist fréttinni ekki beint

Landsréttur hefur staðfest dóm Héraðsdóms Reykjavíkur um að eigandi bifreiðar sem ekið var inn í hrossa hóp á hringveginum og trygginga félag hans beri ábyrgð á tjóni eigenda hrossanna.

 

Hrossaræktandinn var talinn hafa uppfyllt skilyrði laga og reglna um vörslu búfjár og girðingar þótt stóðið hafi fælst og hlaupið yfir hlið og inn á þjóðveginn.

Bifreiðinni var ekið inn í hrossahóp á hringvegi í Skagafirði, skammt ofan Varmahlíðar, laugardagskvöldið 26. ágúst 2017. Svartamyrkur var og vegur blautur. Ökumaður taldi sig hafa ekið á um 90 km hraða þegar hann hefði skyndilega séð hross á veginum, séð „hrædd hestaaugu“ koma æðandi á móti þeim. Hann hefði ekki náð að hemla í tæka tíð en náð að hægja eitthvað á ferðinni áður en hann skall á hrossunum. Bifreiðin var mikið skemmd að framan og vélarhlífin lagðist yfir framrúðuna. Ökumaður og farþegi sluppu án meiðsla.

Á veginum var eitt dautt hross og annað skammt frá með áverka, að því er fram kemur í umfjöllun um mál þetta i Morgunblaðinu í dag.

Fréttin birtist fyrst á fréttavef Morgunblaðsins https://www.mbl.is/frettir/innlent/2019/10/25/bera_abyrgd_a_tjoni_hrossabonda/