fimmtudagur, 27. júní 2019
 
TölublöðVenjuleg útgáfa

Hópur fjárfesta hefur keypt Ingólfshvol í Ölfusi

4. júlí 2013 kl. 14:41

mynd: Haraldur Jónasson

Guðmundur Ólason, kenndur við Milestone, ætlar ásamt fleiri fjárfestum að fara út í heilmiklar framkvæmdir í Ölfusinu.

Guðmundur Ólason, kenndur við Milestone, ætlar ásamt fleiri fjárfestum að fara út í heilmiklar framkvæmdir í Ölfusinu. Þetta kemur fram í Viðskiptablaðinu í morgun.

„Það stendur ekki til að bjóða upp á hestaferðir enda eru hestaleig­ur þarna víða í kring,“ segir Guðmundur Ólason, sem kenndur hefur verið við fjárfestingarfélagið Milestone. Hann er einn fjárfesta sem undir forystu fjárfestingarsjóðsins Icelandic Tourism Fund 1 (ITF1) hefur keypt jörð­ina Ingólfshvol í Ölfusi. Fyrirhugað er að halda reglulegar hestasýningar að Ingólfshvoli, byggja þar upp veitingaþjónustu, minjagripasölu og ýmiskonar afþreyingu fyrir ferðamenn. Guðmundur hefur verið ráðinn framkvæmdastjóri þessa.  

Lands­bréf reka sjóðinn ITF1 en stærstu fjárfestar þar eru Icelandair Group og Landsbankinn auk nokkurra líf­eyrissjóða. Fjárfestahópurinn sam­anstendur af tæplega tíu aðilum.

Á Ingólfshvoli er ein stærsta reið­höll landsins auk töluverðs hest­húsapláss og veitingastaðar.