sunnudagur, 21. júlí 2019
 
TölublöðVenjuleg útgáfa

Töltmót í Uppsveitum

28. mars 2015 kl. 20:11

Reiðhöllinni á Flúðum 1. apríl.

Sameiginlegt töltmót hestamannafélaganna í Uppsveitunum, Loga Smára  og Trausta verður haldið í Reiðhöllinni á Flúðum miðvikudagskvöldið 1. apríl og hefst mótið klukkan 17:30

 

Keppt verður í eftirfarandi flokkum:

Barnaflokk – (T7): sýnt hægt tölt og fegurðartölt, 2 inná í einu undir leiðsögn þuls. 
Unglingaflokk (T3): riðið hefðbundið tölt prógram, tveir inná í einu undir leiðsögn þuls. 
Ungmennaflokk (T3) 

Í fullorðinsflokki verður keppt í tveimur flokkum; 

II Flokkur -  minna keppnisvanir (T3)

I Flokkur - meira keppnisvanir (T1) hefðbundið tölt prógram, einn inná í einu.

 

Skráningargjöld eru 2500 fullorðinn/ungmenni fyrir fyrsta hest, 1500 fyrir næstu skráningar. 1500 kr fyrir börn og unglinga. 

Skráning fer fram í gegnum sportfeng.

Skráning opnar föstudagskvöldið 27. mars og stendur fram að miðnætti þriðjudagskvöldið 31. Mars. 

 

B-úrslit verða riðin ef þáttaka í flokk fer yfir 10 skráningar, annars verða eingöngu riðin A-úrslit.

 

Við hvetjum félagsmenn eindregið til að skrá sig, hvort sem er áhugamenn eða atvinnumenn.

Mótið er góður vettvangur til að fá mat á hesta sína eða prófa hesta fyrir lokamótið í Uppsveitadeildinni.

 

Skráning fer fram í gegnum sportfeng á eftirfarandi síðu: http://motafengur.skyrr.is/Skraningkort.aspx?mode=add
Veljið hestamannafélagið Trausta sem mótshaldara til þess að finna mótið.

Hafi knapar óskir um uppá hvaða hönd þeir vilji ríða, er mikilvægt að það komi fram í skráningunni.

Ath. Þið sem skráið fleyri en einn hest: Ekki er hægt að skrá afsláttinn inn í sportfeng þegar mótið er sett upp. Sportfengur mun því rukka um fullt skráningarverð fyrir alla hesta. Greiðsla fer fram með millifærslu, millifærið eingöngu rétta upphæð miðað við afslátt.

Mótanefndir félaganna.