þriðjudagur, 22. október 2019
 
TölublöðVenjuleg útgáfa

Helgarnámskeið og sýnikennsla hjá Ísólfi Líndal

20. september 2019 kl. 14:09

Ísólfur Líndal og Krummi frá Höfðabakka

Tilkynning frá fræðslunefnd Hestamannafélagsins Spretts

Helgina 7-8 .des 2019 verður helgarnámskeið hjá Ísólfi Líndal í Samskipahöllinni.

Kennt verður í einkatímum, einum 50 mín tíma á laugardeginum og tveimur 30.mín tíma á sunnudeginum.

Skráning fer fram í gegnum Sportfeng og ganga Sprettsfélagar fyrir á námskeiðið.

Einungis 8 pláss í boði.

Verð fyrir hvern þátttakenda er 35.000kr

Einnig verður Ísólfur Líndal með sýnikennslu í Samskipahöllinni föstudaginn 6.des

Reiðkennarinn Ísólfur Líndal býr ásamt fjölskyldu sinni að Lækjamóti II í Húnaþingi vestra þar sem þau hafa byggt upp fyrirtækið Sindrastaði og stunda hrossarækt, tamningar, þjálfun, ferðaþjónustu og reiðkennslu innlendis sem erlendis.

Ísólfur á velgengni að fagna í reiðkennslu og hestaíþróttum. Hann hlaut m.a reiðkennsluverðlaun Háskólans á Hólum 2005 og starfaði þar sem reiðkennari um tíma. Árið 2013 var Ísólfur kjörinn Gæðingaknapi ársins hjá LH og hefur um áraraðir verið í toppbaráttu og í verðlaunasætum í Meistaradeildum, Íslandsmótum, Fjórðungsmótum, Landsmótum og öðrum stórmótum.

Ísólfur leggur mikla áherslu á leiðir til jákvæðra og markvissra samskipta við hestinn í kennslu sinni og gaf 2015 út kennslubókina,
Með hestum-Fótastjórnun.

 

Fræðslunefnd Spretts