mánudagur, 22. júlí 2019
 
TölublöðVenjuleg útgáfa

Heimsfrægt módel kaupir stóðhest

odinn@eidfaxi.is
8. desember 2014 kl. 09:22

Glymur Leiðólfsstöðum, knapi Sigurður Vignir. Mynd www.eyland.is

Hann var sýndur í sinn hæsta dóm 8,35 í aðaleinkunn árið 2012.

Samkvæmt frétt á heimasíðu stóðhestsins Glyms frá Leiðólfsstöðum hefur hann verið seldur til Austurríkis.

Það er skemmtilegur félagsskapur sem stofnaður var í kringum Glym frá Leiðólfsstöðum, en öllu gamni fylgir alvara. Hesturinn var keyptur á Leiðólfsstöðum og hét fyrst Limur frá Leiðólfsstöðum en skipti fljótlega um nafn.

Samkvæmt fréttinni sem erfitt er að staðfesta er nýr eigandi Glyms súpermótelið Claudia Schiffer en í frétt á heimasíðu hans segir: „Limurinn er við það að verða heimsfrægur því samkvæmt Helga yfirlim þá var hann seldur til Claudiu Schiffer, sem er frægt sundfatamódel enda er hún óvenju leggjalöng og barmfögur.“

Hann var sýndur í sinn hæsta dóm 8,35 í aðaleinkunn árið 2012 og var um skeið hæst dæmdi sonur Álfs frá Selfossi.

Á heimasíðuhestsins segir meðal annars:

„En það er ljóst að Limsi mun flytja til Austurríkis á sunnudaginn og þar verður hann notaður til að kynbæta Austurríska Alpageitastofninn sem trítlar um í Ölpunum og þiggur brauð frá ríkum túristum. Trúlega mun hann einnig sitja fyrir með sundfatamódelinu Claudiu og verður gaman að sjá myndir úr Ölpunum af Claudiu hinni fáklæddu og Limnum vel reistum með Austurrísku Alpana sem bakgrunn.“

„Glymur eða Limur frá Leiðólfsstöðum eins oghann hét  vorið 2009, er félagið fékk hestinn á þriðja vetur ,var kvaddur laugardaginn  29.nóvember s.l. Að sjálfsögðu  mætti hesturinn í Guðmundarstofu ásamt Eysteini Leifssyni hestaútflytjanda en Limur fór út þá nótt.“

Nánar má lesa fréttir um Glum HÉR