sunnudagur, 15. september 2019
 
TölublöðVenjuleg útgáfa

Guðmundur og Randalín sigursæl

9. mars 2012 kl. 00:50

Guðmundur og Randalín sigursæl

Töltkeppni KEA mótaraðar fór fram í Top Reiter höllinni á Akureyri í kvöld. 

Hin fagurskjótta Randalín frá Efri-Rauðalæk og Guðmundur Karl Tryggvason knapi hennar og eigandi voru stjörnur kvöldsins á töltkeppni KEA mótaraðar sem fram fór í Top Reiter höllinni í kvöld. Þessi mikla töltmylla hefur átt velgengni að fagna á mótum norðan heiða í vetur. Leiddu þau keppnina frá upphafi og hlutu í lokaeinkunn 7,44.
Jafnir í 2.-3. sæti voru ræktandi Randalínar, Baldvin Ari Guðlaugsson á Senjor frá Syðri-Ey og Viðar Bragason á Björg frá Björgum, með 7,28. Þau síðarnefndu höfðu áður sigrað B-úrslit mótsins og var lukkan á bandi Viðars þegar varpað var hlutkesti, hann gekk af braut með silfur um hálsinn. Ásdís Helga Sigursteinsdóttir á Evelyn frá Litla-Garði var fjórða og Líney María Hjálmarsdóttir á Vökul frá Úlfsstöðum fimmta.
 
Meðfylgjandi eru myndir frá mótinu sem Þórir Tryggvason tók.
 
Úrslit kvöldsins voru eftirfarandi.
 
A úrslit
  1. Guðmundur Karl Tryggvason / Randalín frá Efri-Rauðalæk                       7,44      
  2. Viðar Bragason / Björg frá Björgum                     7,28 H  
  3. Baldvin Ari Guðlaugsson / Senjor frá Syðri-Ey                 7,28 H  
  4. Ásdís Helga Sigursteinsdóttir / Evelyn frá Litla-Garði                   6,67      
  5. Líney María Hjálmarsdóttir / Vökull frá Úlfsstöðum                     6,56      
 
B úrslit
  1. Viðar Bragason / Björg frá Björgum                     6,94                    
  2. Stefán Birgir Stefánsson / Gletting frá Árgerði                               6,33                      
  3. Stefán Friðgeirsson / Dagur frá Strandarhöfði                                6,28 H                  
  4. Þorvar Þorsteinsson / Einir frá Ytri-Bægisá I                     6,28 H                  
  5. Atli Sigfússon / Krummi frá Egilsá                         6,22