þriðjudagur, 25. júní 2019
 
TölublöðVenjuleg útgáfa

Gagnrýnir fréttafluttning Hestafrétta

odinn@eidfaxi.is
6. janúar 2014 kl. 21:05

Gunnfríður Elín Hreiðarsdóttir Fagstjóri búfjárræktarsviðs og Karvel Lindberg Karvelsson Framkvæmdastjóri RML ásamt Eiríki Blöndal og Sigurði Inga Ráðherra.

"Fréttin er algerlega úr lausu lofti gripin"

Framkvæmdastjóri Rannsóknarmiðstöðvar Karvel Lindberg Karvelsson sendi frá sér eftirfarandi yfirlýsingu eftir frétt sem birtist á Hestafréttum og gagnrýnir þar harðlega fréttamennsku vefsins.

Yfirlýsingin er eftirfarandi:

Vegna greinar sem birtist á vefmiðlinum Hestafréttir þann 5. janúar síðastliðinn og ber titillinn „algjör óvissa um framtíð hrossaræktarráðunauts“.  Ráðgjafarmiðstöð landbúnaðarins (RML) hóf starfsemi sína um áramótin 2012-2013. Fyrirtækið er ehf en að fullu í eigu Bændasamtaka íslands (BÍ) og sér meðal annars um ráðgjöf í hrossarækt, skýrsluhald og framkvæmd kynbótadóma í umboði BÍ.

Búnaðarþing tók ákvörðun um stofnun RML og þar með að öll ráðgjöf í landbúnaði færðist frá BÍ og búnaðarsamböndum yfir í hið nýja félag. Með þessu var starfsheitið landsráðunautur lagt niður. Hinsvegar eru leiðtogar (ábyrgðarmenn) fyrir hverja búgrein, þannig tók landsráðunautur í hrossarækt (Guðlaugur Antonsson) við ábyrgð á hrossarækt í RML og hefur sinnt því allt síðasta ár. Guðlaugur óskaði eftir að fá ársleyfi hjá RML frá síðustu áramótum og var orðið við því. Yfirmaður búfjárræktarsviðs tekur því tímabundið við ábyrgðarmannahluverki í hrossarækt. Rétt er að geta þess að fjórir hrossaræktarráðunautar hafa síðastliðið ár starfaði með ábyrgðarmanni hrossaræktar og munu þeir að sjálfsögðu starfa áfram að verkefnum á sviði hrossaræktar á landsvísu. Þegar framtíð Guðlaugs hjá RML liggur fyrir verður annaðhvort ráðið í starfið eða hann kemur aftur til starfa. Ekki stendur til að leggja niður starf ábyrgðarmanns í hrossarækt og engin óvissa er um framtíð verkefna.

Fréttin er algjörlega úr lausu lofti gripin, ekki var haft við samband  við undirritaða við vinnslu fréttarinnar né Guðlaug Antonsson. RML hefur starfað allt síðasta ár og verið rækilega kynnt og því ekki neitt dularfullt við félagið. Fagráði hrossaræktar er vel kunnugt um þessa skipan mála en þar sitja forsvarsmenn allra helstu hagsmunaaðila .

Við viljum fullvissa hestamenn um það að öllum verkefnum verður sinnt eins og áður og nú eftir sameiningu ráðgjafarþjónustunar eru enn og betri möguleikar til þess að takast á við þau stóru og mikilvægu verkefni sem eru innan hrossaræktarinnar auk þess sem hestamenn hafa þar aðgengi að margskonar annari ráðgjöf s.s. varðandi aðbúnað, bútækni, fóðrun og rekstur svo eitthvað sé nefnt.

Gunnfríður Elín Hreiðarsdóttir
Fagstjóri búfjárræktarsviðs og ábyrgðarmaður hrossaræktar RML

Karvel Lindberg Karvelsson
Framkvæmdastjóri RML