þriðjudagur, 17. september 2019
 
TölublöðVenjuleg útgáfa

Gæðingamót Fáks

16. maí 2013 kl. 01:15

Gæðingamót Fáks

Gæðingamót fer fram á félagssvæði Fáks í Víðidal dagana 23. - 26. maí nk.

Auk gæðingakeppninar verður boðið upp á tölt og skeiðkappreiðar. A og B-flokkur gæðinga er opinn fyrir alla til að keppa í sem og skeiðgreinar og tölt meistaraflokkur. Töltið skipist í meistaraflokk (sem allir geta skráð í) og er þá riðið prógramm einn í einu.  Einnig er boðið upp tölt fyrir 17 ára og yngri (skráð sem T3 unglingar) þar sem riðið er eftir þul og þrír inn á í einu. Töltið í meistaraflokknum er opið en ekki í 17 ára og yngri.

Vegleg verðlaun verða í öllum greinum og að auki verður hin glæsilega „Gregersen-stytta“ veitt þeim Fákskeppanda sem sýnir prúðmennsku og snyrtimennsku í hvítvetna og er ávallt klæddur Fáksbúningi í allri keppni á meðan á mótinu stendur.

              

Skráning á mótið fer fram á sportfengur.com http://skraning.sportfengur.com/Skraningkort.aspx?mode=add

 

 

Keppnisgreinar eru eftirfarandi:

•     A flokkur gæðinga

•     A flokkur gæðinga áhugamenn

•     B flokkur gæðinga          

•     B flokkur gæðinga áhugamenn

•     Barnaflokkur    

•     Unglingaflokkur              

•     Ungmennaflokkur

•     100 m skeið      

•     150 m skeið

•     250 m skeið    

•     Tölt T1 meistaraflokkur

•        Tölt T3 17 ára og yngri (skráð sem tölt unglingar)

 

Að venju ríða áhugamenn í A og B flokki með reyndari knöpum en áhugamenn ríða svo sérstök úrslit sunnudaginn 26. maí og þurfa þeir sem ætla að skrá sig í áhugamannaflokk að tilkynna það með því að senda póst á fakur@fakur.is (knapi + hestur + keppnisflokkur).

 

Eigendur hesta sem og knapar í Fáki þurfa að vera búnir að greiða félagsgjöldin fyrir 2013 til að hafa keppnisrétt.

 

Pollar eru alltaf með á Gæðingamóti Fáks, bæði vanir og óvanir. Vanir pollar ríða hægt tölt og fegurðartölt. Óvanir pollar eiga að vera teymdir af forráðamanni. Allir pollar sem eiga grímubúninga eru hvattir til að mæta í þeim. Svo má líka skreyta hestana og um að gera að láta alla regnbogans liti njóta sín. Pollum er ekki sætaraðað en þeir fá allir verðlaunapening frá Fáki. Við pollaskráningu er gott að fá litríkar lýsingar á búningum og hestum en ekki er þörf á ISnúmeri hesta. Ekkert skráningargjald er í pollaflokk en skráning fer fram í veitingarsalnum fram að sunnudeginum.  Gert er ráð fyrir að pollar komi fram á Hvammsvellinum  sunnudaginn 26. maí en það verður nánar auglýst þegar dagskrá liggur fyrir.