fimmtudagur, 22. ágúst 2019
 
TölublöðVenjuleg útgáfa

Gæðingamót Austurlands

26. júlí 2014 kl. 15:32

Einnig keppt í tölti.

Opið félagsmót Freyfaxa, Gæðingamót Austurlands, verður haldið á Stekkhólma helgina 16.-17. ágúst nk. Um löglegt mót er að ræða með 3 dómurum jafnt í gæðingahlutanum sem og í töltkeppninni sem haldin verður. Skráningargjöld verða 2500 kr. fyrir fyrstu skráningu knapa en 1500 kr. á hverja skráningu knapans eftir það. Í forkeppni  sem fram fer á laugardeginum ríður einn inná í einu og svo verður keppt í A-úrslitum á sunnudegi. Að lokinni dagskrá á laugardeginum er stefnt að því að selja grillmat á sanngjörnu verði og fara svo í sameiginlega reiðtúr um nærliggjandi svæði.

Keppt verður í eftirfarandi flokkum:

  • A-flokkur (opinn flokkur)
  • B-flokkur (opinn flokkur)
  • B-flokkur (áhugamannaflokkur)
  • Ungmennaflokkur
  • Unglingaflokkur
  • Barnaflokkur
  • Tölt T1 (opinn flokkur)
  • Tölt T1 (áhugamanna flokkur)
  • Tölt T7
  • 100m fljúgandi skeið (ef næg þátttaka fæst)

       

Stjórn Freyfaxa vonast til að sjá sem flesta en mótið og fyrirkomulag skráninga verða nánar auglýst síðar.