sunnudagur, 17. nóvember 2019
 
TölublöðVenjuleg útgáfa

Fyrsta mót Blue Lagoon mótaraðarinnar

19. febrúar 2017 kl. 23:00

Hestamannafélagið Sprettur

Skemmtileg mótaröð fyrir unga knapa hefur göngu sína næstu helgi í Samskipahöllinni

Skráning er hafin á fyrsta mót Blue Lagoon mótaraðarinnar fyrir unga knapa í Samskipahöllinni í Kópavogi. Mótið verður haldið sunnudaginn 26. febrúar nk. og er í boði HealthCo, en keppt verður í fjórgangi og þrígangi polla.  

Eftirfarandi flokkar eru í boði:
Pollaflokkur fyrir polla sem ríða sjálfir (6-9 ára)
Barnaflokkur (10-13 ára)
Unglingaflokkur (14-17 ára)
Ungmennaflokkur (18-21 árs) 

Í hverjum flokki er hámarksfjöldi skráninga 30 og hverjum knapa er einungis heimilt að skrá einn hest til keppni.

 Riðið verður hefðbundið fjórgangsprógramm V2 í barna-, unglinga- og ungmennaflokki.Pollaflokkur sýnir þrígangsprógramm: Tölt, brokk og fet.

 Skráning fer fram í gengum Sportfeng og eru skráningargjöld eftirfarandi:2000 kr. fyrir barna- unglinga- og ungmennflokk1000 kr. fyrir pollaflokk
Skráningin er opin til miðnættis miðvikudaginn 22. febrúar! Mikilvægt er að senda kvittun fyrir greiðslu á netfangið skraning@sprettarar.is 

Vegleg verðlaun í öllum flokkum, allir pollar fá viðurkenningu, auk þess sem glæsilegasta parið er valið í pollaflokki.
Vonumst til að sjá sem flesta í Samskipahöllinni á sunnudaginn með leikgleðina í farteskinu! Allir velkomnir!
Dagskrá og ráslistar munu birtast á netinu er nær dregur helgi.