miðvikudagur, 24. júlí 2019
 
TölublöðVenjuleg útgáfa

Fyrirlestur Einars Öder

25. mars 2014 kl. 19:46

Glóðafeykir frá Halakoti er bestur klárhesta á LM2012. Einar Öder Magnússon, eigandi, ræktandi og knapi fagnar sigri.

Breytt tímasetning

Skeiðfélagið minnir á fyrirlestur Einars Öder Magnússonar nú á fimmtudagskvöldið: Sprett úr spori! Uppbygging afrekshests. En þar mun Einar miðla af þekkingu sinni og fara yfir þær þjálfunaraðferðir sem hafa reynst honum best í gegnum tíðina við uppbyggingu á skeiðhestum.

Farið verður um víðan völl og viðstaddir leiddir um króka og kima í reynslubanka Einars. Hann mun auk þess beina sjónum sínum að því sem best hefur reynst hjá erlendum starfsbræðrum við þjálfun afrekshesta.

Í lok fyrirlestrarins verður gestum gefinn kostur á því að spyrja Einar spjörunum úr.

Þennan fyrirlestur má enginn láta fram hjá sér fara og ekki þarf að láta slíkt henda af fjárhagsástæðum – enda er aðgangur í boði Skeiðfélagsins!

Athugið breytta tímasetningu: Fyrirlesturinn verður haldinn í Hliðskjálf á Selfossi, kl. 20.00 fimmtudagskvöldið 27. mars næstkomandi. En húsið opnar kl. 19.30