miðvikudagur, 18. september 2019
 
TölublöðVenjuleg útgáfa

Framlengdur skráningarfrestur

28. ágúst 2019 kl. 10:10

Hægt er að skrá sig á Meistaramót Íslands í gæðingakeppni fram á fimmtudagskvöld

 

 

Mótsstjórn hefur tekið ákvörðun um að fella niður lágmörk í a og b flokki opnum vegna fyrirspurna frá knöpum með hross sem ekki hafa haft tækifæri til þátttöku í ár eða í fyrra.

Forsvarsmönnum mótsins þótti tilvalið að blása lífi í gæðingakeppnina á milli landsmótsára með því að halda stórt mót, þar sem bestu gæðingar landsins koma saman og etja kappi.

Vonandi verður þessi tilraun til þess að gæðingakeppnin fái meiri sess á milli Landsmótsára og ýti undir þátttöku í félagsmótum og gæðingakeppnum um land allt.

Fyrsta gæðingakeppnin, sem vitað er um, fór fram í Gnúpverjahreppi árið 1944 og eru því 75 ár frá því fyrst var keppt í þessu al-íslenska keppnisformi. Það má því segja að það sé við hæfi að halda svo stórt gæðingamót á afmælis ári keppninnar.

 Opið er fyrir skráningu á mótið frá 1.águst og lýkur henni á miðnætti þann 29.ágúst. Skráningargjald er kr. 6000 en kr. 4000 í yngri flokka.

Samhliða meistaramótinu fara fram síðustu skeiðleikar ársins en skráning á þá er í gegnum Skeiðfélagið á Sportfeng

 

Gdlh og Hmf Geysir