mánudagur, 23. september 2019
 
TölublöðVenjuleg útgáfa

Framlengdur skráningafrestur á Bleika Töltmótið

17. febrúar 2011 kl. 13:33

Framlengdur skráningafrestur á Bleika Töltmótið

Skráning á Bleika Töltmótið fór af stað í gær. Ljóst er að góð þátttaka verður mikill en vegna fjölda áskorana hefur verið tekin sú ákvörðun að framlengja skráningu á mótið til kl. 12 á laugardag. Strax eftir það verður dregið í rásröð og ráslistar birtir.

Skráning verður áfram á netfanginu ddan@internet.is og í gegnum síma 893-3559 Drífa og 660-1750 Laufey. Munið að láta koma fram ISnúmer hests, kennitölu knapa, flokk og upp á hvaða hönd skal riðið.

Mótið hefst kl. 14 á sunnudag og byrjar það á byrjendaflokki, þá verður keppni í flokki minna vanra kvenna, svo meira vanra og loks opinn flokkur. Mótsstjórn hefur verið í sambandi við formann HÍDÍ og ætla þeir að gera allt til að þær konur sem ætla að mæta á upprifjun HÍDÍ nái líka að keppa á mótinu.

Mótið er eingöngu ætlað konum og er tileinkað Bleiku slaufunni sem er alþjólegt baráttutákn í baráttunni gegn brjóstakrabbameini. Allir knapar og áhorfendur eru hvattir til að klæðast bleiku í tilefni konudagsins og sýna samstöðu.

Engin skráningargjöld eru á mótið heldur eru þau frjálst framlag sem rennur óskert til Krabbameinsfélags Íslands til styrktar rannsókna á brjóstakrabbameini og hvetjum við konur til að hafa lágmarksgreiðslu 3.000 krónur.

Eins og áður hefur komið fram gefa allir sem koma að mótinu vinnu sína. Hvatt er til þess að fólk mæti í Reiðhöllina Víðidal á sunnudaginn, ef ekki til að keppa þá til að horfa á og styrkja gott málefni.