sunnudagur, 21. júlí 2019
 
TölublöðVenjuleg útgáfa

Fræðsla um hestaferðir

16. febrúar 2015 kl. 09:56

Að mörgu þarf að huga áður en haldið er af stað í hestaferð.

Þormar Ingimarsson heldur erindi í Guðmundarstofu.

Laugardaginn 21. febrúar mun Þormar Ingimarsson fjalla um hestaferðir í fyrirlestri sem hestamannafélagið Fákur stendur fyrir. Fyrirlesturinn fer fram Guðmundarstofu og hefst hann kl. 11:00. Þar verða léttar veitingar á boðstólum og frítt inn.

 "Þormar er einn af okkar reyndustu hestaferðalöngum og hefur farið landið þvert og endilangt, bæði með Fáki og sem fararstjóri hjá Íshestum. Hann er því einkar fróður um hvernig þarf að undirbúa hestaferðir svo þær takist eins vel og stefnt er að. Þormar hefur einnig lent í mörgum skemmtilegum atvikum (sumum reyndar bara skemmtilegum eftir á) í hestaferðum og mun hann fara yfir það helsta sem getur komið upp á og hvað þarf að passa upp á í ferðunum. Fróðlegur fyrirlestur hjá Þormari  um hestaferðir sem enginn ætti að láta fara fram hjá sér laugardaginn 21. febr. Allir velkomnir," segir í tilkyninngu frá fræðslunefnd Fáks.