föstudagur, 23. ágúst 2019
 
TölublöðVenjuleg útgáfa

Fimmgangurinn í kvöld

3. mars 2016 kl. 09:22

Sunna Sigríður sigraði fjórgang áhugamanna á Fífil frá Feti Mynd: Hrafnhildur Helga Guðmundsdóttir

Áhugamannadeildin gluggar og gler.

Eftir vel heppnuð tvo mót í deildinni er komið að Smyril Line Cargo fimmganginum í Gluggar og Glerdeildinn. Fimmgangurinn í fyrra var æsispennandi enda voru margir knapar deildarinnar að stíga sín fyrstu skref í keppni í fimmgangi.

Æfingar hafa gengið vel og á ráslistanum má sjá marga nýja hesta.

Í fyrra voru það Þórunn Hannesdóttir og Austri frá Flagbjarnarholti sem stóðu uppi sem sigurvegarar en í ár mætir Þórunn með Þórey frá Flagbjarnarholti. Það verður spennandi að sjá hvort við fáum annan Flagbjarnarholtssigur.

Húsið opnar kl. 17:30 og einvala lið Sprettara mun sjá um að reiða fram veitingar í Veislusalnum okkar á góðu verði. Í boði verða m.a. eðalsúpa ala Sprettur, pizzur og margt annað. Ljóst er að enginn fer þyrstur eða svangur heim að kvöldi loknu.

Staðan í stigakeppni deildarinnar er mjög spennandi enda 20 knapar komnir með stig í einstaklingskeppninni. Jafnar í efsta sæti eru þær Sunna Sigríður í liði kælingar og Rakel Natalie úr liði Vagna og þjónustu með 12 stig.

Í liðakeppninni er það lið Kælingar sem leiðir með 203 stig og í öðru sæti lið Appelsín með 192 stig.

Við hvetjum alla áhugamenn um hestamennsku að taka kvöldið frá, koma í Sprettshöllina, njóta og horfa á spennandi keppni. Aðgangur er frír.