miðvikudagur, 20. nóvember 2019
 
TölublöðVenjuleg útgáfa

Endurgreiða DVD disk

5. janúar 2015 kl. 12:11

Hamingja frá Hellubæ. Knapi Bergur Jónsson.

Myndbönd af kynbótahrossum stóðust ekki kröfur neytenda.

Mynddiskur með myndböndum af kynbótahrossum sem sýnd voru á Landsmóti 2014 verður endurgreiddur skv. tilkynningu sem Landsmót hestamanna sendi út. Ástæðan ku vera megn óánægja með framsetningu á efni disksins, sem þykir ekki standast kröfur neytenda.

"Landsmót hestamanna ehf. gaf út tvö DVD diskasett fyrir jólin. Annars vegar fjórfaldan disk með hápunktum frá Landsmóti hestamanna 2014 og hins vegar tvöfaldan disk með kynbótahrossum. Því miður hefur komið í ljós að diskurinn Kynbótahross stenst ekki þær kröfur sem lagt var upp með. Af þeim sökum er þeim sem keypt hafa diskinn eða fengið hann að gjöf boðið að skila honum gegn fullri endurgreiðslu.

Hægt verður að skila disknum á skrifstofu Landsmóts hestamanna að Engjavegi 6 í Laugardal milli 9 og 16 alla virka daga frá og með föstudeginum 2. janúar 2015. Einnig er hægt að póstleggja diskinn til Landsmóts hestamanna ehf., Engjavegi 6, 104 Reykjavík, ásamt upplýsingum um nafn, kennitölu og bankareikning en Landsmót hestamanna mun einnig endurgreiða póstburðargjaldið. Athugið að ekki er hægt að skila disknum á endursölustaði.

Stjórn Landsmóts hestamanna mun á næstu dögum og vikum leggja mat á hvort gefinn verður út nýr og endurbættur diskur með kynbótahrossum frá Landsmóti hestamanna 2014.

Stjórn Landsmóts hestamanna biðst velvirðingar á þeim óþægindum sem þetta kann að hafa valdið."