sunnudagur, 18. ágúst 2019
 
TölublöðVenjuleg útgáfa

Dropi frá Kirkjubæ bestur alhliða gæðinga

14. júlí 2019 kl. 15:15

Dropi frá Kirkjubæ sigurvegari í A-flokki gæðinga

Fjórðungsmóti lokið á Fornustekkum

 

Síðustu tvö úrslit dagsins voru í A-flokki ungmenna og A-flokki gæðinga.

Fjórðungsmóti á Fornustekkum hefur verið hestamannafélaginu Hornfirðingi til mikils sóma. Veðrið allan tíman verið milt og gott og fjallasýnin hér á Fornustekkum er engu lík. Það er ljóst að mót af þessum toga eru ekki liðin undir lok. Hestakosturinn góður í öllum flokkum og stemningin meðal áhorfenda góð.

Síðustu úrslitin voru í A-flokki gæðinga. Hestamannafélagið Geysir átti þrjá efstu hesta í þessum úrslitum. Dropi frá Kirkjubæ stóð efstur af alhliða hestum með einkunnina 8,88. Knapi á honum var Hanna Rún Ingibergsdóttir. Sýning þeirra var fumlaus og glæsileg. Annar varð Bjarmi frá Litlu-Tungu 2 með 8,85 í einkunn knapi á honum Sæmundur Þorbjörn Sæmundsson. Þriðji varð Jarl frá Árbæjarhjáleigu 2 setin af Heklu Katharínu.

Einnig var keppt í A-flokki ungmenna og var það Ingunn Birna Árnadóttir og Tvistur frá Garðshorni sem sigruðu með 8,12 í einkunn.

Hér eru allar niðurstöður a-úrslita í þessum tveimur flokkum.

A úrslit     A-flokkur                                                                        

Sæti         Hross                 Knapi               Aðildarfélag eiganda       Einkunn

1              Dropi frá Kirkjubæ                      Hanna Rún Ingibergsdóttir Geysir  8,88

2              Bjarmi frá Litlu-Tungu 2                Sæmundur Þorbjörn Sæmundsson           Geysir  8,85

3              Jarl frá Árbæjarhjáleigu II             Hekla Katharína Kristinsdóttir        Geysir  8,61

4              Vængur frá Grund                       Anna Kristín Friðriksdóttir  Hringur 8,53

5              Greipur frá Lönguhlíð                   Hans Kjerúlf    Freyfaxi     8,51

6              Narfi frá Áskoti   Sigurður Sigurðarson               Geysir        8,50

7              Sproti frá Sauðholti 2                  Svavar Örn Hreiðarsson    Hringur 8,48

8              Askja frá Efstu-Grund                 Hlynur Guðmundsson       Sindri   7,27

 

A úrslit     A-flokkur ungmenna                                          

Sæti         Knapi        Hross          Aðildarfélag knapa Einkunn

1              Ingunn Birna Árnadóttir  Tvistur frá Garðshorni          Léttir     8,12

2              Mathilde Nijzingh           Fjóla frá Horni I       Hornfirðingur     7,68

3              Mathilde Larsen            Gyðja frá Bjarnanesi            Hornfirðingur     7,37