sunnudagur, 21. júlí 2019
 
TölublöðVenjuleg útgáfa

Bræður miðla þekkingu sinni

30. mars 2011 kl. 08:53

Bræður miðla þekkingu sinni

Á Hestadögum í Reykjavík í kvöld mun Félag tamningamanna, í samvinnu við hestamannafélagið Gust í Kópavogi, halda sýnikennslu í reiðhöll Gusts við Álalind.

Bbræðurnir Sigvaldi Lárus og Ólafur Andri Guðmundssynir, sem báðir eru tamningamenn og reiðkennarar, munu sýna vinnubrögð sín við tamningu og þjálfun þar sem samspil knapa og hests er í forgrunni. Við sýninguna munu þeir nota ung hross í bland við eldri og reyndari. Þeir bræður hafa alltaf haft það sem markmið við sína þjálfun að fá hestinn á sitt band og hann vinni sáttur og fús með manninum og í kvöld munu þeir m.a. sýna þjálfunaraðferðir sem þeir nýta sér til uppbyggingar hestsins með þessi hestvænu sjónarmið að leiðarljósi.

Sýnikennslan hefst kl. 20 og eru allir velkomnir. Miðaverð aðeins kr. 1.500 en frítt er fyrir FT félaga.